Վարչական ռեսուրս կիրառող պաշտոնյան կազատվի աշխատանքից

ՀՀ վարչապետ Նիկոլ Փաշինյանը հայտարարել է, որ արգելում է իր մասնակցությամբ որևէ միջոցառման ժամանակ վարչական ռեսուրսի օգտագործումը։ Ըստ նրա՝ եթե որևէ պետական պաշտոնյա օգտագործի վարչական ռեսուրս, ապա առանց քննարկման կազատվի աշխատանքից։

«Եթե որևէ պաշտոնյա վարչական ռեսուրսի կիրառմամբ գա այդ միջոցառումներին, ես այդ պաշտոնյաներին ևս առանց քննարկման ազատելու եմ աշխատանքից»,- շեշտել է նա՝ հավելելով, որ նույնը վերաբերում է նաև վարչական ռեսուրսի կիրառմամբ որևէ միջոցառման մասնակցելու արգելքներին։