Ֆլորենտինո Պերեսը ցանկանում է հեռանալ «Ռեալի» նախագահի պաշտոնից

Մադրիդի «Ռեալի» նախագահ Ֆլորենտինո Պերեսը մտածում է զբաղեցրած պաշտոնից հեռանալու մասին, գրում է Mundo Deportivo-ն:

Արքայական ակումբի ղեկավարը փորձում է գտնել փոխարինող, որը կշարունակի նրա գործը եւ կգնահատի իր կատարած աշխատանքը: Բացի այդ, նոր նախագահը պետք է առաջնորդվի ակումբի կանոններով եւ շարունակի «Սանտիագո Բերնաբեու» ստադիոնի վերակառուցման աշխատանքները:

Ֆլորենտինո Պերեսն առաջին անգամ «Ռեալի» նախագահ էր ընտրվել 2000-ին: 2006-ին նա հրաժարական տվեց, սակայն 3 տարի անց վերադարձավ իր պաշտոնին:

Պերեսի հետ մադրիդցիները հաղթել են Իսպանիայի առաջնությունում (2000-01, 2002-03, 2011-2012), Չեմպիոնների լիգայում (2001-02, 2013-14, 2015-16), աշխարհի ակումբային առաջնությունում (2014, 2016):

sport.news.am