Կամային հաղթանակ Մադրիդի «Ռեալի» նկատմամբ
Չեմպիոնների լիգայի 2025/26 թթ. խաղարկության քառորդ եզրափակիչի պատասխան խաղում Մյունխենի «Բավարիան» սեփական հարկի տակ գերլարված խաղում կամային հաղթանակ տարավ Մադրիդի «Ռեալի» նկատմամբ (4-3):
Հանդիպման առաջին խաղակեսն աչքի ընկավ անհավանական արդյունավետությամբ: Հաշիվն արդեն 1-ին րոպեին բացեց մադրիդցիների կիսապաշտպան Արդա Գյուլերը: Դաշտի տերերից Ալեքսանդր Պավլովիչը վերականգնեց հավասարակշռությունը, սակայն 29-րդ րոպեին Գյուլերը դուբլ ձևակերպեց: Դրանից հետո տանտերերը կրկին արագ արձագանքեցին. 38-րդ րոպեին աչքի ընկավ Հարի Քեյնը: Այնուամենայնիվ, 42-րդ րոպեին Կիլիան Մբապեն այս խաղում երրորդ անգամ առաջ մղեց «Ռեալին», և թիմերն ընդմիջման գնացին 2-3 հաշվով:
Երկրորդ խաղակեսի վերջնամասում իրադարձությունները զարգացան ֆանտաստիկ սցենարով: 86-րդ րոպեին մադրիդցիների կիսապաշտպան Էդուարդո Կամավինգան ստացավ երկրորդ դեղին քարտը և հեռացվեց խաղադաշտից: «Բավարիան» անմիջապես օգտվեց թվային առավելությունից. 89-րդ րոպեին Լուիս Դիասը հեռահար հարվածով հավասարեցրեց հաշիվը: Իսկ արդեն ավելացված ժամանակում՝ 90+4-րդ րոպեին, Մայքլ Օլիսեն դրեց այս խելահեղ հանդիպման վերջակետը՝ հաղթանակ պարգևելով տանտերերին (4-3)։
Այսպիսով, դիմակայության երկու խաղերի արդյունքում մյունխենյան գրանդը ընդհանուր 6-4 հաշվով առավելության հասավ մադրիդցիների նկատմամբ և նվաճեց մրցաշարի կիսաեզրափակիչի ուղեգիր։
Կիսաեզրափակիչում «Բավարիան» ուժերը կչափի գործող գավաթակիր ՊՍԺ-ի հետ։ Թիմերի միջև առաջին խաղը կկայանա ապրիլի 28-ին, իսկ պատասխան հանդիպումը՝ մայիսի 6-ին։
Մենք միանգամայն արժանիորեն դուրս եկանք հաջորդ փուլ
Ակադեմիական քաղաքի տարածքում հայտնաբերվել է հնագույն բնակավայր
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Կարլոս Էսպին պայմանագիր է կնքել «Ռեալ Մադրիդի» հետ
Փրկարարները կենդանուն դուրս են բերել ջրատարից
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Ուրումչիի մշակութային ուղին. Գրանդ բազար