Ուղերձս հստակ է՝ ուշադի՛ր եղեք, միստեր
Բրազիլիայի հավաքականի կազմում 1994թ․ աշխարհի չեմպիոն Ռոմարիոն խոսել է ազգային թիմ Նեյմարին չհրավիրելու խնդրի մասին՝ հորդորելով վստահել աստղային հարձակվողին ԱԱ-2026-ին ընդառաջ։ Ըստ Ռոմարիոյի՝ Նեյմարի նման տաղանդը պարտադիր պետք է լինի հավաքականում, անգամ եթե նա լավագույն մարզավիճակում չէ։
«Աստղային ֆուտբոլիստը պետք է խաղա։ Ավելի լավ է թիմում ունենալ Նեյմարին, նույնիսկ եթե նա 100%-ով պատրաստ չէ, քան հրավիրել մեկ ուրիշին։ Նման տաղանդը չպետք է իզուր կորչի»,- գրել է Ռոմարիոն O Dia-ի իր սյունակում:
Լեգենդար հարձակվողը հիշել է 2002 թվականի իր դառը փորձը, երբ իրեն չընդգրկեցին աշխարհի առաջնության հայտացուցակում: Թեև Բրազիլիան այն ժամանակ դարձավ չեմպիոն, սակայն Ռոմարիոն վստահ է՝ իր մասնակցությամբ թիմն ավելի տպավորիչ ֆուտբոլ ցույց կտար: Յուրաքանչյուր խաղացող, որին արհամարհել են, գիտի այդ դառնության համը:
Ռոմարիոն ընդգծել է, որ Կառլո Անչելոտին մեծ փորձ ունի աստղերի հետ աշխատելու հարցում և հասկանում է նման խաղացողների կարևորությունը վճռորոշ պահերին: Նա հույս է հայտնել, որ Նեյմարն արժանիորեն տեղ կգտնի հայտացուցակում և կօգնի Բրազիլիային նվաճել աշխարհի 6-րդ գավաթը: «Ես կերկրպագեմ հավաքականին ցանկացած դեպքում, անգամ առանց Նեյմարի, բայց ուղերձս հստակ է՝ ուշադի՛ր եղեք, միստեր»,- եզրափակել է բրազիլացին։
armsport.am
Մենք միանգամայն արժանիորեն դուրս եկանք հաջորդ փուլ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Աբու Դաբին կունենա համաշխարհային արվեստի նոր կենտրոն
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
ՏԿԵ և պաշտպանության նախարարները Լոռի բերդ համայնքում ծանոթացել են պետություն-մասնավոր համաֆինանսավոր...