Ռեալը Բեռնաբեուում կամային հաղթանակ տարավ Ատլետիկոյի նկատմամբ
Իսպանիայի առաջնության 29-րդ տուրի կենտրոնական խաղում Մադրիդի «Ռեալը» սեփական հարկի տակ՝ «Սանտյագո Բեռնաբեուում», կամային հաղթանակ տարավ Մադրիդի «Ատլետիկոյի» նկատմամբ (3-2):
Հանդիպման հաշիվը 33-րդ րոպեին բացեց «Ատլետիկոյի» հարձակվող Ադեմոլա Լուկմանը: Երկրորդ խաղակեսի մեկնարկում՝ 52-րդ րոպեին, Վինիսիուսը անվրեպ իրացրեց նշանակված 11 մետրանոց հարվածը՝ վերականգնելով հավասարությունը: Ընդամենը րոպեներ անց՝ 55-րդ րոպեին, Ֆեդերիկո Վալվերդեն առաջ մղեց «սերուցքայիններին»: Սակայն 66-րդ րոպեին Նաուել Մոլինան կրկին հավասարեցրեց հանդիպման հաշիվը։
Խաղի վերջնական արդյունքը 72-րդ րոպեին ձևակերպեց Վինիսիուս Ժունիորը՝ դառնալով դուբլի հեղինակ Ալեքսանդր-Արնոլդի փոխանցումից հետո։
Մադրիդցիների հաղթական գոլից հետո խաղադաշտում կրքերը բորբոքվեցին։ 77-րդ րոպեին, VAR-ի միջամտությունից հետո, Ֆեդերիկո Վալվերդեն կարմիր քարտ ստացավ և դաշտից հեռացվեց։ «Ռեալը» ստիպված էր հանդիպման վերջնամասն անցկացնել 10 ֆուտբոլիստով, բայց կարողացավ պահպանել հաղթական հաշիվը:
Այս հաղթանակից հետո սերուցքայինները վաստակած միավորների քանակը հասցրեցին 69-ի՝ շարունակելով 4 միավորով զիջել առաջատար «Բարսելոնային»: «Ատլետիկոն» 57 միավորով շարունակում է եզրափակել լավագույն քառյակը:
armsport.am
Պատմական հանդիպում՝ Սպիտակ տան Օվալաձև գրասենյակում․ հայ հոգևոր առաջնորդներն ու ԱՄՆ-ում ՀՀ դեսպանը ա...
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Ծաղկունքում հարյուրավոր գլուխ ոչխարներ են անկել
Երբ փորձում էինք փնտրել ուրիշ տեղ, զենքի մատակարարման շուկաները փակ էին մեզ համար
Արհեստական բանականության միջազգային օլիմպիադայում հաջողությամբ հանդես եկած հայ դպրոցականները ներկայա...
ՆԳՆ ոստիկանության գվարդիայի ծառայողները կանխել են հետագա զարգացումները
Նիագարան կլուսավորվի Հայաստանի Հանրապետության դրոշի գույներով, Օտտավայի քաղաքապետարանի առջև կծածանվի...
Մեկնարկում է բռնցքամարտի Եվրոպայի առաջնությունը․ Հայաստանն այսօր ունի 4 ներկայացուցիչ
Սիրո անունը Հայաստան է
Սպասվում է բարձր կարգի հրդեհավտանգ իրավիճակ