Հայաստանի մարմնամարզության հավաքականը չի մասնակցի Աշխարհի գավաթի երրորդ փուլին

Այսօր Թուրքիայի Անթալիա քաղաքում մեկնարկող Աշխարհի գավաթի երրորդ փուլը Հայաստանի սպորտային մարմնամարզության տղամարդկանց հավաքականը բաց կթողնի, նշված է ֆեդերացիայի ֆեյսբուքյան էջում։

«Ստեղծված իրավիճակի պատճառով՝ ազգային հավաքականը չի կարողանում վերադառնալ Կատարում անցկացվող ուսումնամարզական հավաքից, ինչի հետևանքով թիմը չի մասնակցի մրցաշարի երրորդ փուլին»,- նշված է գրառման մեջ։

Հայաստանի հավաքականը բաց էր թողել նաև Աշխարհի գավաթի երկրորդ փուլը, քանի որ այն անցկացվում էր Բաքվում։