Թեհրանը իրաքյան քրդերին նախազգուշացրել է սահմանամերձ շրջաններում ակտիվության համար
Իրանի արտգործնախարար Աբաս Արաղչին Իրաքյան Քրդստանի առաջնորդներից մեկի՝ Քրդստանի հայրենասիրական միության նախագահ Բաֆել Թալաբանիի հետ հեռախոսազրույցում նախազգուշացրել է իրանա-իրաքյան սահմանում Թեհրանի դեմ հանդես եկող մի շարք քրդական խմբավորումների ակտիվության մասին, նշված է Իրանի ԱԳՆ հաղորդագրությունում։
Հաղորդագրությունում նշվում է, որ Թալաբանին սահմանների անվտանգության ուժեղացման նպատակով ձեռնարկվող միջոցների վրա է ուշադրություն հրավիրել։ Նա ընդգծել է համագործակցության և համակարգման կարևորությունը՝ ապակառուցողական գործողությունները կանխելու, ինչպես նաև սահմանամերձ շրջաններում անվտանգությունն ու կայունությունը պահպանելու համար։
Ավելի վաղ The New York Times-ը գրել էր, որ ԱՄՆ նախագահ Դոնալդ Թրամփը հեռախոսազրույց է ունեցել իրաքյան քրդերի առաջնորդների՝ Մասուդ Բարզանիի եւ Բաֆել Թալաբանիի հետ, որպեսզի նրանք թույլ տան քրդերին Իրաքից անցնել Իրան։ Թերթի զրուցակիցներից մեկը հայտարարել էր, որ երեքշաբթի օրը Թրամփը խոսել է նաեւ Իրանից վտարված քրդական Դեմոկրատական կուսակցության նախագահ Մուստաֆա Հիջրի հետ։
Միեւնույն ժամանակ Սպիտակ տան մամուլի քարտուղար Քերոլայն Լեւիտը եւ Պենտագոնի ղեկավար Փիթ Հեգսեթը հերքել են այն հաղորդումները, թե Թրամփի վարչակազմը որոշել է զինել քրդական ուժերին՝ Իրանի դեմ գործողություններում ներգրավելու համար։
Մենք միանգամայն արժանիորեն դուրս եկանք հաջորդ փուլ
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Կարլոս Էսպին պայմանագիր է կնքել «Ռեալ Մադրիդի» հետ
Աբու Դաբին կունենա համաշխարհային արվեստի նոր կենտրոն
Սինգապուրի վարչապետը շնվորհավորել է Փաշինյանին
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր