Հայաստանը կորցրել է 800 հեկտարից ավելի տարածք. հաստատել է ռուս դեսպանը
Ադրբեջանական լրատվամիջոցները երեկ սենսացիոն տեղեկատվություն են տարածել: Տեղեկատվությունն իհարկե հերթական ադրբեջանական քարոզչությունը կարելի էր համարել, եթե մասնակից չլիներ Ադրբեջանում Ռուսաստանի դեսպան Վլադիմիր Դորոխինը:
Ըստ ադրբեջանական լրատվամիջոցների ռուս դեսպանը այցելել է ապրիլյան պատերազմի ժամանակ Ադրբեջանի վերահսկողության տակ անցած գյուղեր.«Մենք եկել ենք այստեղ մասնագիտական նպատակով, որպեսզի տեղեկատվություն ստանանք, թե ինչ է կատարվում այստեղ, եւ մենք, իհարկե, հասել ենք մեր նպատակին»–հայտարարել է Ադրբեջանում Ռուսաստանի դեսպան Վլադիմիր Դորոխինը՝ գյուղեր կատարած այցելության ժամանակ:
Դեսպանի խոսքերով՝ այս գյուղի այցելությունը շատ ուսանելի է եղել. «Այստեղ կա նաեւ հուզական պահ. մենք մեկ անգամ եւս մեր աչքերով տեսանք, թե որքան ծանր եւ բարդ է այս հակամարտությունը։ Մի բան է, երբ կարդում ես դրա մասին եւ լսում, եւ լրիվ ուրիշ է, երբ ինքդ ես տեսնում, զրուցում մարդկանց հետ։ Ռուսաստանը զբաղվել է հակամարտության խաղաղ կարգավորմամբ, եւ հետագայում էլ պետք է զբաղվի, շարունակի այդ գործը»։
Երկար ժամանակ Հայաստանի իշխանությունները և քաղաքական էլիտան ամեն բան անում են հասարակությանը համոզելու համար, որ իրականում հայկական կողմը կորցրել է անպիտան հողեր ու այդ հողերը եղել են չեզոք գոտում:
Փաստորեն Ադրբեջանը և այդ երկրում Ռուսաստանի դեսպանը ներկայացնում են իրականությունը և հայկական կողմի իրական կորուստները, որը արձանագրվել է ապրլյան պատերազմի օրերին:
Հետաքրքիր է, թե նման այցելության մասին տեղեկատվության տարածումից հետո ինչպիսին է լինելու Հայաստանի Հանրապետության արձագանքը:
Հ.Գ. Պետք է նկատել, որ Ադրբեջանում ԱՄՆ դեսպան Ռոբերտ Սեկուտան հրաժարվել է Ադրբեջանում հավատարմագրված դիվանագիտական կորպուսի ներկայացուցիչների հետ այցելել անցյալ տարվա ապրիլյան պատերազմի արդյունքում Ադրբեջանի վերահսկողության տակ անցած տարածքներ: Այս մասին ադրբեջանական լրատվամիջոցներին հայտնել է Ադրբեջանի փոխվարչապետ Ալի Հասանովը:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Նեմցովի սպանության համար դատապարտվածները բանտից հայտնվել են Չեչնիայում․ «Проект»
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ