Հայաստանն ու Ռուսաստանը շահագրգռված են համագործակցության խորացման հարցում. Վոլինկին
Գյումրիում Ռուսական գիտության եւ մշակույթի կենտրոնի մասնաճյուղի բացումը երկար սպասված իրադարձություն էր: Դեկտեմբերի 20-ին Գյումրիում Կենտրոնի բացման հանդիսավոր արարողության ժամանակ ասաց Հայաստանում ՌԴ արտակարգ եւ լիազոր դեսպան Իվան Վոլինկինը:
Նրա խոսքով՝ Կենտրոնի մասնաճյուղի բացմամբ Հայաստանի երկրորդ քաղաքում ստեղծվեց Ռուսաստանի եւս մեկ հումանիտար անկյուն: «Ես կցանկանայի իմ անկեղծ երախտագիտությունը հայտնել ՀՀ ղեկավարությանը, ինչպես նաեւ հասարակական եւ պետական կազմակերպություններին այս մասնաճյուղի բացմանը օգնելու եւ նպաստելու համար»,- ասաց ՌԴ դեսպանը՝ հավելելով, որ ԱՊՀ տարածքում գործընկերների հետ փոխգործակցության առաջնահերթությունը Ռուսաստանի համար չի նվազում, այլ, հակառակը, միայն աճում է:
Նա ընդգծեց, որ Հայաստանն ու Ռուսաստանը շահագրգռված են բոլոր ոլորտներում համագործակցության խորացմամբ, եւ հումանիտար ոլորտում փոխգործակցությունը հատուկ տեղ ունի: Նրա գնահատմամբ՝ Հայաստանն ու Ռուսաստանը ԱՊՀ Հումանիտար համագործակցության խորհրդում եւ Հումանիտար համագործակցության միջպետական հիմնադրամում առավել ակտիվ երկրներն են:
Վոլինկինը համոզմունք հայտնեց, որ կենտրոնի մասնաճյուղը Հայաստանի հյուսիս-արեւմուտքում կդառնա մշակութային, կրթական, գիտական եւ հասարակական կապերի զարգացման հիմնական հարթակներից մեկը: «Այս կենտրոնը տուն կդառնա բոլորի համար, ովքեր հետաքրքրվում են Ռուսաստանի մշակույթով, ռուսերենով»,- եզրափակեց Իվան Վոլինկինը:


















































ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ