Մենք նրանց շատ ենք հարգում, բայց նաև հավատում ենք ինքներս մեզ
Հայաստանի չեմպիոն «Նոա»-ի գլխավոր մարզիչ Սանդրո Պերկովիչը Կոնֆերենցիաների լիգայի անցումային փլեյ-օֆֆում «ԱԶ Ալկմար»-ի դեմ խաղում մեծ սպասելիքներ ունի իր ֆուտբոլիստներից: «Շատ բարդ հանդիպում է մեզ սպասվում: Գիտենք, թե ում դեմ ենք խաղալու: Նրանք այժմ խաղալու են սեփական հարկի տակ` իրենց երկրպագուների առջև: Հիմա ավելի բարդ խաղ կլինի, քան առաջինն էր: Մենք նրանց շատ ենք հարգում, բայց նաև հավատում ենք ինքներս մեզ: Պատրաստ ենք պայքար մղելու»,-ասաց նա: Ըստ մասնագետի` յուրաքանչյուր երկրպագու կարող է այժմ էլ հպարտանալ այն ամենով, ինչին հասել է Հայաստանի գործող չեմպիոնը:
«Անձամբ ինձ համար էլ կարևոր խաղ է։ Յուրաքանչյուր ոք, ով ֆուտբոլում է, ձգտում է հնարավորինս առաջ գնալ: Մենք հիմա շատ բարձր մակարդակի վրա ենք: Մեր առաջխաղացումը խաղային առումով ակնհայտ է: Մենք այստեղ չենք եկել որպես զբոսաշրջիկ, այլ ցանկանում ենք պայքար մղել: Մեր նպատակը մեկն է, շարունակել հաջողությունը»,-առանձնացրեց նա:
Ֆուտբոլի Կոնֆերենցիաների լիգայի անցումային փլեյ-օֆֆի պատասխան խաղում «Նոա»-ն փետրվարի 26-ին կհյուրընկալվի նիդեռլանդական «ԱԶ Ալկմար»-ին: Հանդիպումը կմեկնարկի Երևանի ժամանակով կեսգիշերին: Առաջին խաղում Հայաստանի չեմպիոնը հաղթել էր 1։0 հաշվով։
Ակադեմիական քաղաքի տարածքում հայտնաբերվել է հնագույն բնակավայր
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
Կարլոս Էսպին պայմանագիր է կնքել «Ռեալ Մադրիդի» հետ
Ուրումչիի մշակութային ուղին. Գրանդ բազար
Փրկարարները կենդանուն դուրս են բերել ջրատարից
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...