Հարավային Կովկասը մեծ նշանակություն ունի Իրանի համար. Բաղայի

Իրանի ԱԳՆ խոսնակ Իսմայիլ Բաղային նշել է, որ պաշտպանության նախարարի այցը Ադրբեջան կամրապնդի վստահությունը երկու երկրների միջև, հատկապես՝ անվտանգության և քաղաքականության ոլորտներում։ 

«Այս այցը ցույց է տալիս Իրանի վճռականությունը՝ ամրապնդելու վստահությունը հարևան երկրների հետ բոլոր մակարդակներում, մասնավորապես, Հարավային Կովկասում։ Այս տարածաշրջանը մեծ նշանակություն ունի Իրանի համար, և մենք այնտեղ խաղաղությունը դիտարկում ենք որպես մեր սեփական խաղաղություն»,- ասել է նա։ 

Ըստ նրա՝ այս խորհրդակցությունները կարևոր են տարածաշրջանի երկրների միջև փոխըմբռնման ամրապնդման համար։