Ինտերը հաղթեց Տորինոյին և դուրս եկավ կիսաեզրափակիչ

Իտալիայի գավաթի խաղարկության քառորդ եզրափակիչում Միլանի «Ինտերը» 2։1 հաշվով առավելության հասավ «Տորինոյի» նկատմամբ։ Հանդիպումը կայացավ Մոնցայի «Բրիանտեո» մարզադաշտում։

Խաղի 35-րդ րոպեին Անժ-Յոան Բոնին առաջ մղեց «սև-կապույտներին», իսկ երկրորդ խաղակեսի սկզբնամասում՝ 48-րդ րոպեին, Անդի Դիուֆը կրկնապատկեց միլանյան թիմի առավելությունը։ Թուրինյան ակումբի կազմում միակ գնդակը 57-րդ րոպեին հեղինակեց Սանդրո Կուլենովիչը։

«Ներաձուրիների» կազմում հանդիպմանը մասնակցեց նաև Հայաստանի ազգային հավաքականի նախկին ավագ, կիսապաշտպան Հենրիխ Մխիթարյանը։ Նա խաղադաշտ էր դուրս եկել մեկնարկային կազմում և փոխարինվեց 56-րդ րոպեին։

Այս հաղթանակի շնորհիվ «Ինտերը» նվաճեց կիսաեզրափակիչի ուղեգիր, որտեղ ուժերը կչափի «Նապոլի» — «Կոմո» զույգի հաղթողի հետ։

armsport.am