Երջանիկը ծեծի է ենթարկել զոքանչին, ապա նաև՝ սպառնացել սպանել
Տղամարդը հայտնվել է ամբաստանյալի աթոռին նախկին կնոջ մորը ծեծի ենթարկելու և սպանության սպառնալիքներ տալու համար:
Ըստ մեղադրանքի՝ Երջանիկ Գեղամյանը 2017 թվականի օգոստոսի 26-ին՝ ժամը 17:30-ի սահմաններում, ալկոհոլի ազդեցության տակ, Արարատի մարզի Բաղրամյան գյուղում գտնվող նախկին կնոջ մոր՝ Անահիտ Մանուկյանի տանը վիճաբանել է վերջինիս հետ, որի ընթացքում մարմնական վնասվածքներ պատճառելու դիտավորությամբ ձախ ձեռքի բաց ափով հարվածել է նրա պարանոցին, այնուհետև նույն տան բակում առկա փայտյա աթոռով հարվածել է նրա մեջքին, որից հետո բռունցքներով հարվածել մարմնի տարբեր մասերի՝ կրծքավանդակին, գլխին և վերջինիս առողջությանը՝ կրծքավանդակի և գլխի ծոծրակային շրջանի փափուկ հյուսվածքների սալջարդերի ձևով, պատճառել թեթև վնաս պատճառելու հատկանիշներ չպարունակող մարմնական վնասվածքներ:
Բացի այդ Երջանիկ Գեղամյանը նույն օրը նախկին կնոջ մոր հետ վիճաբանության ժամանակ ասել է, որ սպանելու է նրան և մեղադրանքի համաձայն՝ այդ արտահայտություններն անելու ժամանակ եղել է ագրեսիվ, վախեցնող, դրսևորել է հարձակողական վարքագիծ, սպառնալիքներ հնչեցնելիս բղավել է, փոխվել են նրա դեմքի միմիկաները, աչքերը կարմրել են, ձայնը դարձել է վճռական, կոնկրետ և այդ կերպ նրա հասցեին տվել է սպանության սպառնալիքներ, որն իրականացնելու իրական վտանգ է եղել և որն Անահիտ Մանուկյանն ընկալել է որպես իրական:
Երջանիկ Գեղամյանին մեղադրանք է առաջադրվել ՀՀ քրեական օրենսգրքի 118-րդ և 137-րդ հոդվածի 1-ին մասով:
Նրա նկատմամբ որպես խափանման միջոց է ընտրվել չհեռանալու մասին ստորագրությունը:
Գործը կքննվի Արարատի և Վայոց Ձորի մարզի ընդհանուր իրավասության դատարանում՝ դատավոր Գրիգոր Հովհաննիսյանի նախագահությամբ:
Աղբյուրը` Փաստինֆո


















































ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ