Իրանի բանակը պատրաստ է «անհապաղ եւ վճռականորեն» արձագանքել ցամաքում, օդում կամ ծովում ցանկացած ագրեսիայի
Իրանի բանակը պատրաստ է «անհապաղ եւ վճռականորեն» արձագանքել ցամաքում, օդում կամ ծովում ցանկացած ագրեսիայի, Իսրայելի հետ անցյալ տարվա պատերազմի փորձը թույլ կտա ավելի արդյունավետորեն արձագանքել սպառնալիքներին, հայտնել է Իրանի արտաքին գործերի նախարար Աբաս Արաղչին Х ցանցում։ Արաղչիի հայտարարությունը հնչել է Վաշինգտոնի կողմից Մերձավոր Արեւելքում նավատորմի տեղակայման եւ Իրանի հետ հնարավոր շփման գծի երկայնքով պաշտպանությունն ամրապնդելու ֆոնին։
«Մեր քաջարի զինված ուժերը պատրաստ են՝ մատները ձգանին, անհապաղ եւ վճռականորեն արձագանքել մեր թանկ հողի, օդային տարածքի եւ ծովի դեմ ուղղված ցանկացած ագրեսիայի։ 12-օրյա պատերազմի ընթացքում քաղված արժեքավոր դասերը թույլ են տալիս մեզ ավելի վճռականորեն, արագ եւ արդյունավետորեն արձագանքել»,- գրել է Արաղչին։
Միեւնույն ժամանակ, նա ավելացրել է, որ Իրանը միշտ աջակցել է «փոխշահավետ, արդար եւ հավասար» միջուկային գործարքին։ «Հավասար պայմաններով, առանց հարկադրանքի, սպառնալիքների կամ ահաբեկման, այնպիսի պայմաններով, որոնք երաշխավորում են Իրանի խաղաղ միջուկային տեխնոլոգիաների իրավունքը եւ ապահովում են միջուկային զենքի բացակայությունը: Նման զենքերը տեղ չունեն մեր անվտանգության ծրագրերում, եւ մենք երբեք չենք ձգտել դրանք ձեռք բերել»,- եզրափակել է Իրանի արտաքին գործերի նախարարը:
Մենք միանգամայն արժանիորեն դուրս եկանք հաջորդ փուլ
Ուրումչիի մշակութային ուղին. Գրանդ բազար
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Աբու Դաբին կունենա համաշխարհային արվեստի նոր կենտրոն
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սևանում տեղի է ունեցել «Sevan AgriTech Summit»-ը
ՏԿԵ և պաշտպանության նախարարները Լոռի բերդ համայնքում ծանոթացել են պետություն-մասնավոր համաֆինանսավոր...
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից