Ավարտվեց շախմատի Հայաստանի առաջնությունների նախավերջին խաղափուլը

Ավարտվեց Հայաստանի շախմատի տղամարդկանց 86-րդ և կանանց 81-րդ առաջնությունների նախավերջին՝ 8-րդ խաղափուլը:

Տղամարդկանց առաջնությունում այսօր հաղթանակ են տարել Տիգրան Հարությունյանը և Արսեն Դավթյանը:

Արթուր Դավթյան - Կարեն Գրիգորյան, Արամ Հակոբյան - Զավեն Անդրիասյան և Մանուէլ Պետրոսյան - Մամիկոն Ղարիբյան խաղերն ավարտվել են ոչ-ոքի արդյունքով:

Այսպիսով, վերջին խաղափուլից առաջ տղամարդկանց առաջնությունում առաջատարներն են Զավեն Անդրիասյանը, Արթուր Դավթյանը և Մանուէլ Պետրոսյանը, ովքեր ունեն 5 միավոր:

Արամ Հակոբյանը ունի 4.5 միավոր:

Կանանց առաջնությունում այսօր հաղթել են Սոնա Կրկյաշարյանը, Անի Ավետիսյանը և Անգելինա Միրաքյանը։

Աննա Խաչատրյան - Մարիամ Ավետիսյան և Անահիտ Մկրտչյան - Լիլիթ Կասինյան խաղերն ավարտվել են ոչ-ոքի արդյունքով:

Կանանց առաջնությունում առաջատարներն են Անահիտ Մկրտչյանը և Աստղիկ Հակոբյանը, ովքեր ունեն 6 միավոր։  Անի Ավետիսյանը ունի 5.5 միավոր։

Վերջին խաղափուլը կմեկնարկի հունվարի 21-ին: