Իրանի գործերին արտաքին միջամտությունը միայն կվատթարացնի այդ երկրի իրավիճակը․ Չելիք

Իրանի գործերին արտաքին միջամտությունը միայն կվատթարացնի այդ երկրի իրավիճակը, որը բախվում է մի շարք խնդիրների, հայտարարել է Թուրքիայի իշխող «Արդարություն և զարգացում» կուսակցության խոսնակ Օմեր Չելիքը։

«Մենք երբեք չենք ցանկացել քաոս մեր հարևան Իրանում։ Կան խնդիրներ իրանական հասարակության և պետական ​​ապարատի գործունեության մեջ, բայց դրանք պետք է լուծվեն Իրանի ժողովրդի կողմից՝ իրենց սեփական միջոցներով, ինչպես ասել է նախագահ Մասուդ Փեզեշքիանը»,- ասել է նա կուսակցության ղեկավարության նիստից հետո։

«Արտաքին միջամտությունը միայն վատթարացնում է իրավիճակը։ Մենք հստակ հասկանում ենք, որ Իրանում քաոս սերմանելու փորձերը, հատկապես Իսրայելի կողմից խրախուսվողները, լուրջ և վտանգավոր հետևանքներ կունենան ամբողջ տարածաշրջանի համար»,- նշել է նա։