Պարեկները հայտնաբերել են խախտումներ կատարած վարորդներին․ ՆԳՆ ոստիկանությունը զգուշացնում է
Օրերս համացանցում շրջանառվում էր տեսանյութ, որում Ներքին Գետաշեն-Մարտունի ճանապարհին մի քանի ավտոմեքենայի վարորդներ երթևեկում են ուղևորների փոխադրման կանոնները խախտելով և վարում հանդիպակաց գոտիով։
ՆԳՆ ոստիկանության փոխանցմամբ՝ Գեղարքունիքի մարզի պարեկները պարզել են վարորդների ինքնությունը։ Մեքենաները հայտնաբերվել և տեղափոխվել են պահպանվող հատուկ տարածք, իսկ վարորդների նկատմամբ կազմվել են վարչական իրավախախտման վերաբերյալ արձանագրություններ։
«Ի դեպ, տեսանյութը նկարահանվել էր նորակոչիկներին զինվորական կոմիսարիատ ուղեկցելու ճանապարհին, և սա նմանատիպ առաջին դեպքը չէր։
Զորակոչերի ընթացքում լինում են դեպքեր, երբ նորակոչիկներին ճանապարհելու եկած մտերիմները մեքենաներով խոչընդոտում են նորակոչիկներին տեղափոխող ավտոբուսի ընթացքը՝ կոպիտ կերպով խախտելով երթևեկության կանոնները և հաճախ ստեղծելով վթարային իրավիճակներ։
Տեղեկացնենք մեր քաղաքացիներին, որ նման դեպքերում պատասխանատվություն է նախատեսված նաև Քրեական օրենսգրքով։
Հարգելի՛ վարորդներ, ՆԳՆ ոստիկանությունը հորդորում է խստորեն պահպանել ճանապարհային երթևեկության կանոնները, չվտանգել երթևեկության մասնակիցների, նաև ծառայության մեկնող նորակոչիկների կյանքն ու առողջությունը։
Լինենք կարգապահ և օրինահարգ»,- ասվում է հաղորդագրության մեջ։
Մենք միանգամայն արժանիորեն դուրս եկանք հաջորդ փուլ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Մահացել է աշխարհի չեմպիոն և «Միլանի» լեգենդ Ֆրանկո Բարեզին
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Ուրումչիի մշակութային ուղին. Գրանդ բազար
Քրիստիան Ռոմերոն պահանջում է տարեկան 8 միլիոն եվրո աշխատավարձ
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից