Ջուդ Բելինգհեմին ձեռք բերելու փորձեր կարող է կատարել նաև Լոնդոնի «Չելսին»

Թեև Ջուդ Բելինգհեմի՝ Մադրիդի «Ռեալից» հնարավոր հեռանալու մասին լուրերը առաջին հայացքից խիստ անհավանական են թվում և ավելի շատ հիշեցնում են «դեղին մամուլին» բնորոշ հերյուրանքներ, ժամանակակից ֆուտբոլում անակնկալները բացառել չի կարելի։

Ընդամենը օրեր առաջ մամուլում տեղեկություններ էին շրջանառվում, որ անգլիացի կիսապաշտպանին ձեռք բերելու փորձեր կարող է կատարել Լոնդոնի «Չելսին»։ Այժմ, սակայն, «սերուցքայինների» կիսապաշտպանության առաջատարի անունը կապվում է Պրեմիեր լիգան ներկայացնող մեկ այլ գրանդ ակումբի հետ։

Հայտնի լրագրող Էկրեմ Քոնուրն իր սոցիալական ցանցերում հայտնել է, որ «Լիվերպուլը» պատրաստակամություն է հայտնել ֆուտբոլիստի տրանսֆերի համար վճարել աստղաբաշխական 180 միլիոն եվրո:

Հիշեցնենք, որ 22-ամյա Ջուդ Բելինգհեմը «արքայական» ակումբի գույները պաշտպանում է 2023 թվականի ամառվանից։ Կողմերի միջև գործող պայմանագրի ժամկետը նախատեսված է մինչև 2028/29 մրցաշրջանի ավարտը։