Իրանում ցուցարարները հրկիզել են կրոնական գրախանութը

Իրանի Բոջնուրդ քաղաքում ցուցարարները ներխուժել են Ղուրանի վաճառքի խանութ և այրել կրոնական գրքերը, հայտնում է Mehr գործակալությունը։ Նրանք հրկիզել են նաև հենց խանութի շենքը։

Իր հերթին, Fars գործակալությունը հայտնում է, որ Իրանի հարավ-արևմուտքում գտնվող Լորդեգան քաղաքում այսօր տեղական ժամանակով ժամը 10-ի սահմաններում մի խումբ առևտրականներ և խանութպաններ փակել են իրենց կետերը և սկսել հավաքվել փողոցներում՝ հանրահավաքներ անցկացնելով և կարգախոսներ հնչեցնելով։ Ըստ գնահատականների՝ երթին մասնակցել է շուրջ 300 մարդ։

Նշվում է, որ երկու ոստիկան զոհվել է, ևս 30 մարդ ստացել է վնասվածքներ։

Բախումների ընթացքում անկարգությունների մասնակիցները վնասել են նահանգապետի գրասենյակը և մի քանի այլ վարչական շենքեր։