16-ամյա գեղարքունիքցի կնոջ արկածները Գ․Ն-ների հետ
Գեղարքունիքի մարզում, դեկտեմբերի 8-ին արտակարգ դեպք է տեղի ունեցել. մարզի գյուղերից մեկի 16-ամյա բնակչուհի Կ. Լ.-ն իրենց տարածքի ոստիկանությանը հայտել է, որ գյուղի իրենց տանը ամուսնու եղբայրը՝ 28-ամյա Գ. Ն.-ն ոգելից խմիչքի ազդեցության տակ իրեն ծեծի է ենթարկել, մազերից քաշելով՝ մտցրել է ննջասենյակ, գցել անկողնու վրա ու ցանկացել բռնի ուժով սեռական հարաբերություն ունենալ իր հետ:
Հարց․ ինչու պետք է 16-ամյա աղջիկն ամուսնացած լինի։ Մի՞թե սա քրեական օրենսգրքի աղաղակող խախտում չէ։
Shamshyan.com-ի փոխանցմամբ, աղջիկը պատմել է, որ ինքն սկսել է բղավել եւ բղավոցները լսելով՝ ննջասենյակ է մտել ամուսինը՝ 24-ամյա Գ. Ն.-ն, ով կնոջն ասել է, որ նա պետք է կատարի եղբոր ասածները ու երբ ինքը ընդդիմացել է, ամուսինը նույնպես մի քանի անգամ հարվածել է իրեն և քաշել մազերը:
Հարց․ մի՞թե դեռ մեր կողքին կան ընտանիքներ, որտեղ կինը պետք է բավարարի ամուսնու եղբոր բոլոր քմահաճույքները։ Մի՞թե դեռ կան ընտանիքներ, որտեղ կինը կարող է ասել՝ տեգրս մտնում էր ծոցս մի բառ չէի ասում, այդքան հեզ հարս էի։
Աղբյուրի տեղեկություններով՝ 16-ամյա աղջկան հաջողվել է տնից փախուստի դիմել:
Իսկ հիմա այս պատմության ֆանտաստիկ շարունակությունը։ Փաստի առթիվ տարածքի ոստիկանության հետաքննչական բաժանամունքում նյութեր են նախապատրաստվում. 16-ամյա կինը հետաքննությանը հայտնել է նաեւ, որ ամուսնու հայրը՝ 51-ամյա Գ.Ն.-ն, իրենց տանը պարբերաբար իրեն ստիպել է իր հետ միասին պոռնոգրաֆիկ ֆիլմեր դիտել:
Իսկապես, զարմանահրաշ ընտանիք։ Ընդ որում, բոլոր «հերոսներն» էլ՝ Գ․Ն․։ Ափսոս միայն, որ այդպեսէլչհասկացվեց, թե 16-ամյա կնոջը ինչ է ստիպել անել ամուսնու մայրը։ Հուսով ենք հետաքննությունը դա կպարզի։
Top-News.am