Կամո Ցուցուլյանը ներկայացրել է Երևան քաղաքի փրկարարական վարչության նորանշանակ պետին
Նոյեմբերի 17-ին ՆԳՆ ՓԾ Երևան քաղաքի փրկարարական վարչությունում տեղի է ունեցել աշխատանքային քննարկում, որը վարել է Փրկարար ծառայության տնօրեն-ներքին գործերի նախարարի տեղակալ, փ/ծ գեներալ-մայոր Կամո Ցուցուլյանը։ Քննարկմանը մասնակցում էին ՓԾ տնօրենի տեղակալները, ԵՓՎ ղեկավար կազմը:
Հանդիպման ընթացքում քննարկվել են ընթացիկ աշխատանքները՝ հանձնարարականների կատարման, առաջացած հարցերի, ձեռնարկված միջոցառումների, դեպքերի սպասարկման և հրշեջ-փրկարարական տեխնիկայի, գույք սարքավորումների վերազինման վերաբերյալ հարցեր:
Երևան քաղաքի փրկարարական վարչության ղեկավար կազմը և հրշեջ-փրկարարական ջոկատների հրամանատարները հանդես են եկել զեկույցներով, որից հետո Կամո Ցուցուլյանը մատնանշել է ծառայության ընթացքում ի հայտ եկած թերություններն ու բացթողումները, տվել մի շարք հանձնարարականներ՝ կատարողական և աշխատանքային կարգապահության արդյունավետության բարձրացման առնչությամբ՝ բացառելով խախտումները։
Ծառայության տնօրենն անձնակազմին է ներկայացրել Երևան քաղաքի փրկարարական վարչության նորանշանակ պետ, փ/ծ գնդապետ Գևորգ Գալստյանին: Վերջինս նշանակվել է Ներքին գործերի նախարար Արփինե Սարգսյանի հրամանով՝ փոխադրման կարգով՝ ազատվելով Գեղարքունիքի մարզային փրկարարական վարչության պետի պաշտոնից։
Կամո Ցուցուլյանը վստահություն է հայտնել, որ Գևորգ Գալստյանն իր գիտելիքներով և բազմամյա փորձով կնպաստի վարչության հետագա զարգացմանը՝ ապահովելով թափանցիկություն, արդյունավետություն և աշխատանքային բարձր կարգապահություն։
Փրկարար ծառայության տնօրենն իր խոսքում շեշտել է, որ անհրաժեշտ է շարունակել ձևավորել գործընկերային, առողջ և պատասխանատու աշխատանքային միջավայր՝ համատեղ լուծելով համակարգի առջև ծառացած խնդիրները, որպեսզի հասարակության վստահությունը Փրկարար ծառայության նկատմամբ էլ ավելի ամրապնդվի:
Հանդիպման ավարտին շնորհակալություն հայտնելով անձնակազմին իրականացրած աշխատանքի համար՝ Կամո Ցուցուլյանն ընդգծել է, որ բարձր կարգապահությունն ու միասնական թիմային աշխատանքը մշտապես մնալու են համակարգի առաջնահերթություններից:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է