Ալեն Սիմոնյանը դատական հայց է ներկայացրել Վազգեն Սաղաթելյանի դեմ
Ազգային ժողովի նախագահ Ալեն Սիմոնյանը քաղաքացիական դատարան է դիմել «Իմնեմնիմի» փոդքասթի համահեղինակ Վազգեն Սաղաթելյանի դեմ՝ պահանջելով հրապարակային ներողություն և ֆինանսական փոխհատուցում վիրավորական հրապարակումների համար։ «Արմենպրես»-ն այս մասին տեղեկացավ «Datalex» դատական տեղեկատվական համակարգից։
Երևանի քաղաքացիական դատարանում ընդունված հայցադիմումը վերաբերում է Սաղաթելյանի՝ 2025 թվականի նոյեմբերի 8-ին «Ֆեյսբուք» սոցիալական ցանցում արած հրապարակումներին, որոնք, ըստ Սիմոնյանի, պարունակել են վիրավորական արտահայտություններ իր հասցեին։
Հայցվորը պահանջում է Վազգեն Սաղաթելյանին պարտավորեցնել հրապարակայնորեն ներողություն խնդրել՝ «Ֆեյսբուքում» կամ առնվազն 5000 տպաքանակ ունեցող տպագիր մամուլում հինգ օր շարունակ տեղադրելով հետևյալ բովանդակությամբ հայտարարություն․
«Ես՝ Վազգեն Արմենի Սաղաթելյանս, ներողություն եմ խնդրում Ալեն Սիմոնյանից», բռնագանձել Վազգեն Սաղաթելյանից 2 միլիոն դրամ՝ որպես վիրավորանքի փոխհատուցում, բռնագանձել 530 հազար դրամ դատական ծախսերի դիմաց, այդ թվում՝ 480 հազար դրամ փաստաբանի վարձատրության և 50 հազար դրամ պետական տուրքի համար։
Գործը մակագրվել է Երևանի քաղաքացիական դատարանի դատավոր Ալլա Քյուրքչյանին։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Ինչպիսի եղանակ է սպասվում այսօր
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը