Արագորեն շարժվում ենք դեպի կոնսենսուս Երևանի և Բաքվի հետ. Ուրալօղլու
«Զանգեզուրի միջանցքի» և Ալիջանի սահմանային անցակետի նախագծերը կվերաիմաստավորեն Թուրքիայի դերը տարածաշրջանային առևտրային ցանցում։ Դրա մասին հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։ Նա նշել է, որ այսպես կոչված «Զանգեզուրի միջանցքն» ուղղակիորեն կկապի Թուրքիան և Ադրբեջանը՝ ստեղծելով նոր առևտրային երթուղի Ասիայից դեպի Եվրոպա։ «Դա կկրճատի հեռավորությունները, կնվազեցնի ծախսերը և կամրապնդի Թուրքիայի տարածաշրջանային առևտրային հզորությունը»,- ասել է թուրք նախարարը։
Ուրալօղլուն հայտնել է, որ նախապատրաստական աշխատանքներ են սկսվել հայ-թուրքական սահմանին տեղակայված Ալիջանի սահմանային անցակետում։ «Մենք ավարտել ենք մեր ծրագրերը, դրանց թվում՝ կամրջի ներկայիս վիճակի գնահատումը և դրա վերակառուցումը։ Արագորեն շարժվում ենք դեպի կոնսենսուս՝ Ադրբեջանի և Հայաստանի հետ։ Խաղաղության գործընթացի ավարտից հետո Ալիջանի անցակետը ևս կբացվի»,- հավելել նա։
Նախարարը հայտնել է նաև Ադրբեջանի և Հայաստանի նախարարների հետ հանդիպման մասին։ «Այստեղ լուրջ կարգավորման գործընթաց է ընթանում։ Այլ կերպ ասած, Հայաստանի վարչապետը ցուցաբերում է զգալի նախաձեռնողականություն և լուրջ ռիսկերի է դիմում։ Մենք ուշադիր հետևում ենք այդ գործընթացին։ Պատրաստել ենք կոնկրետ ծրագրեր, ներառյալ՝ Ալիջանի սահմանային դարպասի մոտ կամրջի ներկայիս վիճակի գնահատումը և նորի կառուցումը»,- նշել է Ուրալօղլուն։ «Մենք բառացիորեն արագորեն շարժվում ենք դեպի Ադրբեջանի, Հայաստանի և Թուրքիայի միջև կոնսենսուսի։ Երբ դա Աստծո կամքով տեղի ունենա, մենք այդ դուռն էլ կբացենք»,- ասել է նա։
Ըստ նախարարի՝ այդ զարգացումը կբարձրացնի «Զանգեզուրի միջանցքի» արդյունավետությունը և ավելի արդյունավետ կդարձնի Չինաստանից Մեծ Բրիտանիա առևտրային ուղին։ Նա հավելել է, որ Կարս-Իգդիր-Արալիկ-Դիլուջու երկաթուղու կառուցումը կկապի «Զանգեզուրի միջանցքը» և կամրապնդի Միջին (Անդրկասպյան) տրանսպորտային միջանցքը։ «Կարս-Իգդիր-Դիլուջու գիծը ամենակարևոր նախագծերից մեկն է, որը կձևավորի ոչ միայն Թուրքիայի, այլև ամբողջ Հարավային Կովկասի և Եվրասիայի ապագան»,- ընդգծել է Ուրալօղլուն։
Նախարարը նշել է նաև, որ «Զարգացման ճանապարհային նախագիծը» (Development Road Project), որը մեծ հետաքրքրություն է առաջացրել եվրոպական երկրների շրջանում, կապահովի անխոչընդոտ ճանապարհային և երկաթուղային մուտք դեպի բոլոր եվրոպական երկրներ՝ Բասրայի Ֆաո նավահանգստից մինչև Լոնդոն։ «Այս ռազմավարական միջանցքը կկրճատի համաշխարհային առևտրային ուղիները, կբարձրացնի Թուրքիայի լոգիստիկ ներուժը և կամրապնդի տարածաշրջանային տնտեսական ինտեգրացիան»,- նշել է նա։
Աշխարհի ամենահայտնի Խորհրդարանական ծեծկռտուքները (ֆոտոշարք)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Նոր նշանակում՝ Երևանի Նիկոլ Աղբալյանի անվան թիվ 19 դպրոցում
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
ՀԱՊԿ- ից Հայաստանին պետք է հեռացնել. Բորդյուժան՝ «ՌԻԱ Նովոստիին»
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Դանիան և Շվեդիան քննադատել են Ֆինլանդիայի և Նորվեգիայի զանգը Պուտինին. Euronews
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Շենգավիթի բաժնի համայնքային ոստիկանները գողության դեպքեր են բացահայտել․ գողոնը հայտնաբերվել է
Իսրայելում քվեների կեսից ավելիի հաշվարկից հետո առաջատարը Նեթանյահուի դաշինքն է