Հայաստանի հավաքականի դեմ դժվար հանդիպում է սպասվում․ Հունգարիայի ընտրանու նորեկ Դամիր Ռեդժիչ

Աշխարհի 2026 թվականի առաջնության եվրոպական գոտու որակավորման փուլի F խմբի 5-րդ տուրում Հայաստանի ազգային հավաքականը Երևանի Վազգեն Սարգսյանի անվան «Հանրապետական» մարզադաշտում կընդունի Հունգարիայի ընտրանուն։ Այդ կապակցությամբ Հունգարիայի հավաքականի հայտացուցակում ընդգրկված նորեկ, 22-ամյա հարձակվող Դամիր Ռեդժիչը կիսվել է իր տպավորություններով և սպասումներով։

Հիմա ես իմ կյանքի լավագույն մարզավիճակում եմ. չեմ էլ հիշում, թե երբ եմ վերջին անգամ անընդմեջ 12 հանդիպում անցկացրել։

Հայաստանի հավաքականի դեմ դժվար հանդիպում է սպասվում։ Նրանք ագրեսիվ են խաղում, և նրանց «կոտրելը» հեշտ չի լինի։ Ինչ վերաբերում է իռլանդացիներին, նրանք ավելի տեխնիկապես պատրաստված թիմ ունեն»,- հարձակվողի խոսքն է մեջբերում M4 Sport-ը։

Հանդիպումը կկայանա նոյեմբերի 13-ին, Երևանի ժամանակով 21։00-ին։