Կարգալույծ քահանան նամակով դիմել է Արշակ Սրբազանին
Կարգալույծ քահանա Տեր Արամը՝ Ստեփան Ասատրյան ավազանի անունով, պատասխանել է Մայր Աթոռ Սուրբ Էջմիածնի դիվանապետ Արշակ Արք. Խաչատրյանի նամակին.
«Գերաշնորհ Սրբազան Հայր,
ստացել եմ Ձեր թիվ 1051 նամակը, որով նախ տեղեկացնում եք Հայրապետական տնօրինության մասին, ապա նաև դրանից բխող տարատեսակ պահանջներ եք ներկայացնում։
- Ի՞նչ ընթացակարգով և կանոնակարգով են տեղի ունեցել Հանձնախմբի նիստերը, և Հայ Առաքելական Սուրբ Եկեղեցու ո՞ր կանոնն է շրջանցվել իմ կողմից։
- Կարգապահական հանձնախմբի անդամ եպիսկոպոսն իմ «կարգապահական» հարցերի «քննարկման» օրերին, Հայ Եկեղեցու ո՞ր կանոնն է ցիտում` հանրային խոսույթում Եկեղեցու քահանային «Հուդա» անվանելիս։ Եվ ի՞նչ վերաբերմունք ունեք «Հուդայի» կողմից իրականացվող Սուրբ Խորհուրդների վերաբերյալ։
- Կարգապահական հանձնախմբի պաշտոնական նամակում «քննարկման» հրավիրելիս ի՞նչ հիմքով են կանխակալ մոտեցմամբ «ապատեղեկատվություն» անվանվում իմ մտահոգությունները։
- Ինչպես է Հայրապետական տնօրինությամբ նշվում իմ կողմից երիցս չներկայանալու «փաստն» այն դեպքում, երբ ես գրություններով երիցս պատրաստակամություն եմ հայտնել հանդիպելու Հանձնախմբին` նպատակը ճշտելու պայմաններում։
Այս և նմանատիպ հարցերի պատասխանները լուսաբանելու համար` խնդրում եմ տրամադրել ինձ Տնօրինության հիմք հանդիսացող Կարգապահական հանձնախմբի նիստերի արձանագրություններն ու որոշումների հիմքերը։ Վերոհիշյալ նյութերի տրամադրումից հետո կարձագանքեմ իմ հետագա քահանայագործության վերաբերյալ։
Կանխահայտ շնորհակալությամբ`
Արամ քահանա Ասատրյան Հովհաննավանքի հոգևոր հովիվ
23 հոկտեմբերի, 2025թ.
հգ. Ի պատասխան Հայրապետական ֆեյսբուքյան տնօրինության` պատասխանում եմ նույն հարթակում»։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Ինչպիսի եղանակ է սպասվում այսօր
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մոսկվայի բոլոր օդանավակայանները կրկին դադարեցրել են աշխատանքը