Բարեկամների համար միշտ էլ գործ կա. սեփական քեռին՝ բաժնի պետ
«Իրատես» թերթը գրում է. «Նորություն չէ, որ Հայաստանում պաշտոն ունեցող անձն ամեն ինչ անում է, որ պետական կառավարման համակարգ «ներմուծի» իր հարազատ-ծանոթ-բարեկամներին: Այս կառավարության հայտարարած օպտիմալացման պատճառով եւս իրենց աշխատանքից զրկվում են հիմնականում ոչ յուրայինները:
Բայց արի ու տես, որ բարեկամների համար միշտ էլ գործ կա: Եթե խորանանք եւ ուսումնասիրենք, թե մարզպետարաններում ու կառավարման տարբեր օղակներում ովքեր են աշխատում, շատ հեշտությամբ կկազմենք բարեկամների մի ցուցակ, որոնք ուղիղ կապ ունեն ղեկավարի հետ:
Այս մտածելակերպը խորթ չէ նաեւ Գեղարքունիքի մարզպետ Կարեն Բոթոյանին: Մեր տեղեկություններով, նա սեփական քեռուն աշխատանքի է տեղավորել Վարդենիսի քաղաքապետարանում: Այն բանից հետո, երբ թափուր մնաց Վարդենիսի քաղաքապետարանի սոցապբաժնի պետի պաշտոնը, մարզպետի բարեկամների «բախտը» բացվեց:
Հիշեցնենք, որ նախկին բաժնի պետը Վարդենիսի այսօրվա քաղաքապետ Արամ Հարությունյանն է: Եվ հիմա սոցապբաժնի պետի պաշտոնում Կարեն Բոթոյանը իր քեռուն` Արթուր Դավթյանին է տեղավորել: Հետո էլ ասում են՝ գործ չկա: Փաստորեն գործ կա, բայց առնվազն քեռի պետք է լինել»:
Մանրամասները՝ թերթի այսօրվա համարում