Մարզպետարանը տոկոսով գումար է տվել համատիրության նախագահին
Պարզվում է՝ Լոռու մարզպետարանը տոկոսով փող է տալիս, եւ որպեսզի «վարկառուն» չգցի իրենց, ձեռքի հետ էլ գույք է վերցնում «զալոգ»։ Այսպես, 2011թ․ «ՀՀ Լոռու մարզպետարանի աշխատակազմի» ՊԿՀ-ի եւ քաղաքացի Տարոն Ֆարմանյանի միջեւ կնքվել է «Բյուջետային վարկի տրամադրման եւ տրանսպորտային միջոցի գրավադրման մասին» պայմանագիր, ըստ որի՝ Ֆարմանյանին մեքենայի մաքսազերծման համար տրամադրվել է 1 մլն․ 727 հազար 905 դրամի բյուջետային վարկ։
Իսկ վարկի վերադարձելիությունն ապահովելու համար գրավադրվել է պատասխանողին պատկանող «MERCEDES BENZ E 430» մակնիշի ավտոմեքենան: Նշված գումարից Ֆարմանյանն ընդամենը վճարել է 328 հազար 155 դրամ վարկի գումար եւ 62 հազար 845 դրամ հաշվարկված տոկոսները: Եվ մարզպետարանը դիմել է Լոռու մարզի ընդհանուր իրավասության դատարան՝ պահանջելով պատասխանողից հօգուտ ՀՀ պետական բյուջեի բռնագանձել 1 մլն․ 399 հազար 750 դրամ։ Դատավոր Բորիկ Գրիգորյանը որոշում է կայացրել հայցը բավարարել մասնակի, հօգուտ պետբյուջեի՝ Տարոն Ֆարմանյանից բռնագանձել 399 հազար 750 դրամ վարկի գումարը, բռնագանձումը տարածել գրավադրված «MERCEDES BENZ E 430» մակնիշի ավտոմեքենայի վրա, որպես պետտուրք բռնագանձել եւս 7 հազար 995 դրամ։
Միեւնույն ժամանակ, դատարանը որոշել է պարտավորության կատարման կետանցի օրվանից`12.01.2012-ից, վարկի մնացորդի գումարին հաշվեգրել տոկոսներ` տարեկան 12% տոկոսադրույքի չափով, մինչեւ պարտավորության դադարման օրը: Նշենք, որ Տարոն Ֆարմանյանը «Կենտրոն» համատիրության ղեկավարն է, ժամանակին զբաղվել է ձեռնարկատիրական գործունեությամբ, սակայն չի կատարել հարկային պարտավորությունները, եւ ՊԵԿ-ը որոշել է նրանից գանձել մոտ 300 հազար դրամ։
Ավելի ուշ դատարանը որոշում է կայացրել սնանկ ճանաչել Տարոն Ֆարմանյանին։ Ի դեպ, խորհրդարանական վերջին ընտրություններին Ֆարմանյանն աշխատում էր Արկադի Համբարձումյանի համար։ Հետաքրքիր է՝ վարկային խառը պատմությունների մեջ թաթախված անձն ինչպես է կառավարում համատիրությունը։


















































ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ