Ադրբեջանն AZAL-ի ինքնաթիռի խոցումը չի համարում միտումնավոր հարձակում. Ալիև

Նա նշել է, որ Ադրբեջանը սա չի համարում դիտավորյալ հարձակում:

«Մեր միակ պահանջը խոցման փաստի ճանաչումն էր, հանցագործության մեղավորների պատժումը և փոխհատուցման լրիվ վճարումը», - հավելել է Ալիևը:

Բաքվից Գրոզնի թռչող «Ադրբեջանական ավիաուղիներ» ընկերության Embraer 190 ինքնաթիռը 2024-ի դեկտեմբերի 25-ին կործանվել է Ղազախստանի արևմտյան Ակտաու քաղաքի մոտակայքում: Ընկերությունը հայտնել է, որ ինքնաթիռում եղել է 62 ուղևոր և անձնակազմի հինգ անդամ: Նրանցից 32-ն է ողջմնացել:

Ալիևը հայտարարել է, որ ինքնաթիռը վնասվել է Գրոզնի քաղաքի մոտակայքում արտաքին հարվածից, ինչը հանգեցրել է կառավարման կորստի: Հուլիսին նա ասել էր, որ Ադրբեջանը պատրաստում է փաստաթղթեր՝ միջազգային դատարաններ ներկայացնելու Ռուսաստանի դեմ՝ կապված ավիավթարի հետ:

ՌԴ նախագահ Վլադիմիր Պուտինը դեկտեմբերին զանգահարել էր Ալիևին և ներողություն խնդրել այն բանի համար, որ «ինքնաթիռի հետ կապված ողբերգական միջադեպը տեղի է ունեցել Ռուսաստանի օդային տարածքում»։ Նա պարզաբանել է, որ այդ պահին Չեչնիայում հետ էր մղվում ուկրաինական անօդաչու թռչող սարքերի հարձակումը, և աշխատում էր ՀՕՊ համակարգը։