ՖԻՖԱ-ն արգելել է Մոսկվայի «Լոկոմոտիվին» տրանսֆերներ կատարել առաջիկա երեք տրանսֆերային պատուհաններում

ՖԻՖԱ-ի պաշտոնական կայքում Մոսկվայի «Լոկոմոտիվը» ներառվել է այն ակումբների ցանկում, որոնց արգելվել է խաղացողների տրանսֆերներ կատարել։
Մոսկովյան ակումբի վրա այս սահմանափակման պատճառը ՖԻՖԱ-ի կողմից դեռևս չի հստակեցվել:
Հիշեցնենք, որ հունիսի 19-ին «երկաթուղայինների» ճամբարը լքել է Հայաստանի ազգային հավաքականի կիսապաշտպան Էդգար Սևիկյանը՝ վերադառնալով հունգարական «Ֆերենցվարոշ»։ Ակումբը առաջիկայում կլքի նաև Նաիր Թիկնիզյանը, որը կմիանա սերբական «Ցրվենա Զվեզդային»։