«Միլանը» հայտարարել է նոր գլխավոր մարզչի նշանակման մասին

«Ակումբը ջերմորեն ողջունում է և մաղթում է ամենայն բարիք Մասիմիլիանոյին և նրա անձնակազմին»,- նշված է «Միլանի» մամուլի ծառայության հաղորդագրության մեջ։

Ալեգրին նախկինում արդեն ղեկավարել է «Միլանը»՝ 2010-ից 2014 թվականներին։ Նրա գլխավորությամբ ակումբը 2010/11 մրցաշրջանում դարձավ Իտալիայի չեմպիոն, ինչպես նաև նվաճեց Իտալիայի Սուպերգավաթը։

57-ամյա մասնագետի վերջին աշխատավայրն էր «Յուվենտուսը», որը մարզել է 2021–2024 թվականներին։