Գարիկ Կարապետյանը՝ Եվրոպայի կրկնակի չեմպիոն, Սիմոն Մարտիրոսյանը՝ փոխչեմպիոն

Գարիկ Կարապետյանն ու Սիմոն Մարտիրոսյանը հավասարը չունեցան Մոլդովայի մայրաքաղաք Քիշնեւում անցկացվող ծանրամարտի Եվրոպայի առաջնությունում: Տղամարդկանց 109 կգ քաշայինների պայքարում Գարիկ Կարապետյանը երկրորդ անգամ նվաճեց տիտղոսը, Սիմոն Մարտիրոսյանը՝ փոխչեմպիոն է:

Գարիկ Կարապետյանը երկամարտում հավաքեց 411 կգ արդյունք (185 + 226):  Սիմոն Մարտիրոսյանը երկամարտում գրանցեց 406 կգ արդյունք (180+225):

Գարիկ Կարապետյանը առաջին մոտեցմամբ չկարողացավ պոկել 180 կգ-ոց ծանրաձողը: Երկրորդ փորձով հաջողությամբ բարձրացրեց ծանրաձողը: Երրորդ մոտեցման համար Փաշիկ Ալավերդյանը պատվիրեց 185 կգ, որը հաջողությամբ պոկեց Գարիկ Կարապետյանը եւ նվաճեց այս վարժության փոքր ոսկե մեդալը:

Սիմոն Մարտիրոսյանը պոկում վարժությունում մեկնարկեց 176 կգ-ով: Աշխարհի եւ Եվրոպայի կրկնակի չեմպիոնը հաջողությամբ պոկեց, բայց մրցավարներից մեկը քաշը չհաշվեց: Ժուրիի քննարկումից հետո Սիմոն Մարտիրոսյանի առաջին մոտեցումը չհաշվեցին: Երկրորդ մոտեցման համար Հայաստանի մարզիչները պատվիրեցին 181 կգ: Սիմոն Մարտիրոսյանը ձախողեց: Երրորդ մոտեցամբ պոկեց 181 կգ-ը: Այս վարժությունում Սիմոն Մարտիրոսյանը նվաճեց փոքր արծաթե մեդալ:

Հրում վարժությունում Գարիկ Կարապետյանը առաջին մոտեցմամբ բարձրացրեց 212 կգ: Երկրորդ մոտեցմամբ հաջողությամբ հրեց 220 կգ: Երրորդ մոտեցման համար Փաշիկ Ալավերդյանը 6 կգ քայլ կատարեց, Գարիկ Կարապետյանը 226 կգ-ն էլ հրեց եւ հռչակվեց Եվրոպայի կրկնակի չեմպիոն: Այս քաշային կարգում Կարապետյանը նվաճեց նաեւ փոքր ոսկե մեդալ:

Սիմոն Մարտիրոսյանը հրում վարժությունը մեկնարկեց 213 կգ-ով եւ հաջողությամբ բարձրացրեց ծանրաձողը: Երկրորդ մոտեցման համար պատվիրված 225 կգ-ը ձախողեց: Երկրորդ փորձից հրեց 225 կգ-ը: Այս վարժությունում Սիմոն Մարտիրոսյանը արժանացավ փոքր արծաթե մեդալի:

Գարիկ Կարապետյանը 2018 թ. պատանիների Եվրոպայի չեմպիոն է, 2019 թ. պատանիների աշխարհի փոխչեմպիոն, 2021 թ. երիտասարդների աշխարհի չեմպիոն, 2022 թ. երիտասարդների աշխարհի չեմպիոն, 2022 թ. Եվրոպայի Մ20 չեմպիոն: 2023 թ. ապրիլին Երեւանում անցկացված Եվրոպայի առաջնությունում նվաճել է չեմպիոնի տիտղոսը: Երկամարտի 392 կգ արդյունքով  սահմանել է երեք ռեկորդ (178+214): 2023 թ. Եվրոպայի Մ20 չեմպիոն է, 2023 թ. աշխարհի առաջնության փոքր բրոնզե մեդալակիր եւ ռեկորդակիր, 2023 թ. երիտասարդների աշխարհի չեմպիոն, 2024 թ. Եվրոպայի առաջնության բրոնզե մեդալակիր, 2024 թ. աշխարհի գավաթի խաղարկության արծաթե մեդալակիր: Մասնակցել է Փարիզի Օլիմպիական խաղերին:

Սիմոն Մարտիրոսյանը  2012 թ. երիտասարդների Եվրոպայի բրոնզե մեդալակիր է, 2013թ. Եվրոպայի Մ17 չեմպիոն, 2013 թ. երիտասարդների աշխարհի չեմպիոն, 2014 թ. պատանիների Եվրոպայի փոխչեմպիոն, Նանջինգ-2014 պատանեկան Օլիմպիական խաղերի չեմպիոն եւ ռեկորդակիր։

Ռիոյի Օլիմպիական խաղերի փոխչեմպիոն է, 2018 թ. աշխարհի չեմպիոն եւ ռեկորդակիր, 2017 թ. Եվրոպայի չեմպիոն, աշխարհի երիտասարդական առաջնության չեմպիոն, Համաշխարհային ուսանողական խաղերի չեմպիոն, Եվրոպայի Մ-20 չեմպիոն եւ ռեկորդակիր, Եվրոպայի Մ23 չեմպիոն եւ ռեկորդակիր, 2019 թ. Եվրոպայի եւ աշխարհի չեմպիոն,  աշխարհի ռեկորդակիր, 2019 թ. Եվրոպայի Մ23 տարեկանների չեմպիոն: Տոկիոյի Օլիմպիակա խաղերի փոխչեմպիոն, 2021 թ. աշխարհի առաջնության բրոնզե մեդալակիր, 2023 թ. Եվրոպայի առաջնության բրոնզե մեդալակիր, 2024 թ. Եվրոպայի փոխչեմպիոն: