Երեկ լրացավ ուղիղ 7 տարին այն օրից, երբ Նիկոլ Փաշինյանը 2018 թ. մարտի 31-ին սկսեց իր քայլարշավը Գյումրուց դեպի Երևան: Այդ քայլքն «ավարտվեց» 2018 թ. մայիսի 8-ով...Կա տեսակետ, որ հիմա էլ Գյումրուց պիտի սկսվի իշխանափոխությունը՝ Փաշինյանի իշխանազրկումը: Թեպետ կա նաև տպավորություն, որ կարծես մի փոքր վաղ է՝ նման միանշանակ հետևություններ անելու համար, բայց ամենևին վաղ չէ որոշ ամփոփումներ անել Փաշինյանի քայլարշավի ու դրա յոթնամյա հետևանքների հետ կապված:
Ի՞նչ ունենք (ավելի ճիշտ կլիներ ասել՝ ինչեր չունենք) դրանից 7 տարի անց: Արցախի խնդրով բանակցային գործընթացի տապալում, «վերելակային դիվանագիտություն»՝ «ինչ պետք ա, էն էլ բանակցում ենք», ու պատերազմ, թշնամական ագրեսիվ նկրտումների լեգիտիմացում:
Ավելի քան 4000 զոհ՝ 44-օրյա պատերազմում, տարածքային լուրջ կորուստներ, էլի՝ տարածքային կորուստներ՝ առանց կրակոցի, Արցախի շրջափակում, Արցախի ուրացում՝ Փաշինյանի և իր իշխանության կողմից: Որպես հետևանք՝ Արցախի կորուստ ու հազարամյակների պատմության մեջ առաջին անգամ տոտալ հայաթափում, հայկական պատմամշակութային ահռելի ժառանգության հուշարձանների ինտենսիվ ոչնչացում թշնամու կողմից:
Հայոց ցեղասպանության ուրացման գերթափանցիկ ակնարկներ, գործնականում՝ ուրացում և Հայաստանի արտաքին-քաղաքական առաջնահերթություններից ցեղասպանության ճանաչման հարցի դուրս բերում:Բուն Հայաստանի Հանրապետության հարյուրավոր քառակուսի կիլոմետր տարածքների զավթում, էլի՝ հարյուրավոր զոհեր, նորից հանձնում, այս անգամ՝ «սահմանազատման, սահմանագծման» անվան տակ:
Անվտանգային սպառնալիքների ավելացում ու ահագնացում:Աղքատության խորացում: Պետական պարտքի կրկնապատկում:Թմրամոլության, խաղամոլության, հանցագործությունների շոշափելի աճ:Կոռուպցիայի արմատավորում: Դատական իշխանության անկախության նախադրյալների ոչնչացում և ենթարկեցում գործադիրին:
Պետական, այդ թվում՝ իրավապահ ամբողջ համակարգի ծառայեցում մեկ անձի քմահաճույքներին ու շահերին: Արժեհամակարգային խեղաթյուրում, պատերազմ Հայ առաքելական եկեղեցու դեմ, Հայոց պատմության դեմ, ազգային բոլոր արժեքների դեմ:Եվ այլն, և այդպես շարունակ:Իսկ դրական ինչ-որ բան գտնելը դժվար է, չափազանց դժվար, եթե չասենք՝ անհնար: Լավ, համոզեցիք, ասֆալտ են անում...
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին