Մ-23 ԵԱ․ Լեւիկ Միքայելյանը հաղթեց ադրբեջանցի մրցակցին եւ նվաճեց տիտղոսը

Լեւիկ Միքայելյանը նվաճեց Ալբանիայի մայրաքաղաք Տիրանայում անցկացվող ազատ ոճի ըմբշամարտի Եվրոպայի մինչեւ 23 տարեկանների չեմպիոնի տիտղոսը։

61 կգ քաշային կարգի եզրափակիչում Լեւիկ Միքայելյանը 2:1 հաշվով պարտության մատնեց ադրբեջանցի Ջեյհուն Ալլահվերդիեւին։

Լեւիկ Միքայելյանը որակավորման փուլում 10:0 հաշվով հաղթել էր գերմանացի Դարիո Դիտրիխին, քառորդ եզրափակիչում 12:1 հաշվով պարտության էր մատնել Սիմոնե Պիրոդուին, կիսաեզրափակիչում 11:1 հաշվով հաղթել էր ուկրաինացի Միկիտա Աբրամովին։

79 կգ քաշային կարգի եզրափակիչում ռուսաստանցի Արսեն Բալայանը 5:1 հաշվով հաղթել ադրբեջանցի Ֆարիդ Ջաբարովին։

70 կգ քաշային կարգում բրոնզե մեդալակիր է դարձել Ուկրաինայի ներկայացուցիչ Նարեկ Պողոսյանը։