Հայաստանը Թրամփի երդմնակալությանը մասնակցել է սոցապ նախարարի մակարդակով
«Ժողովուրդ» օրաթերթը գրում է. «Հայաստանի բարձրագույն ղեկավարությունը, փաստորեն, չէր հրավիրվել ԱՄՆ նախագահ Դոնալդ Թրամփի՝ Վաշինգտոնում հունվարի 20-ին տեղի ունեցած երդմնակալության պաշտոնական արարողությանը: Փոխարենը սոցապ նախարար Նարեկ Մկրտչյանն է ԱՄՆ-ում Հայաստանի դեսպան Լիլիթ Մակունցի հետ մասնակցել, լուսանկարներ հրապարակել՝ նշելով, թե Թրամփի երդմնակալությանը նվիրված արարողությանն է մասնակցել՝ իր ֆեյսբուքյան էջը ողողելով լուսանկարներով:
Փաստորեն, վարչապետ Փաշինյանը, արտգործնախարար Արարատ Միրզոյանը, ԱԺ նախագահ Ալեն Սիմոնյանը չեն հրավիրվում պաշտոնական արարողությանը, փոխարենը Հայաստանը մասնակցում է սոցապ նախարարի մակարդակով:
«Ժողովուրդ» օրաթերթը փորձեց կապ հաստատել նախարար Նարեկ Մկրտչյանի խոսնակի հետ՝ պարզելու, թե ի պաշտոնե որպես ով է Նարեկ Մկրտչյանը մասնակցել միջոցառմանը, ինչ հանդիպումներ է ունեցել ԱՄՆ-ում, ինչ միջոցներով է մեկնել, սակայն խոսնակն անհասանելի էր:
Իսկ ավելի վաղ Նարեկ Մկրտչյանը իր ֆեյսբուքյան էջում՝ նկարներին կից, գրել էր. «Որպես «Քաղաքացիական պայմանագիր» կուսակցության արտաքին կապերի պատասխանատու՝ պատիվ ունեցա մասնակցելու ԱՄՆ խոշորագույն NewsMax Media ընկերության հրավերով Անդրյու Մելլոն կառավարական սրահում նախագահ Դոնալդ Թրամփի երդմնակալությանը նվիրված երեկոյին։
Միջոցառման ընթացքում ջերմ շփման լավ հնարավորություն ունեցա ԱՄՆ առաջիկա պետքարտուղար Մարկո Ռուբիոյի, նախագահ Թրամփի երկարամյա ընկերներ Քրիստոֆեր Ռուդիի, Պատրիկ Օրլանդոյի եւ մի շարք այլ բարձրաստիճան պաշտոնյաների ու միջազգային հյուրերի հետ»:
Փաստորեն, նախարարը, իր պետական գործերը թողած, կուսակցական թիթեռ է նկարում՝ հանրությունից թաքցնելվ, թե ինչ միջոցներով է մեկնել եւ ապրում ԱՄՆ-ում:»:
Առավել մանրամասն թերթի այսօրվա համարում
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ինչպիսի եղանակ է սպասվում այսօր
Մինիոնները վերադառնում են
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
ՀՀ պետական սահմանով ապօրինի ներմուծվել և փորձ է կատարվել իրացնել 10 կիլոգրամ թմրամիջոց