Ինչո՞ւ հեռացան դատարանների նախագահները. Իշխանությունը փորձում է կառավարել համակարգը
Հրապարակ» թերթը գրում է. «Երկու դատարանների նախագահներ մի քանի օրվա տարբերությամբ հրաժարականի դիմում ներկայացրեցին․ հունվարի սկզբին Վարչական դատարանի նախագահի պաշտոնից հրաժարական տվեց Արգիշտի Ղազարյանը, որը շարունակելու է պաշտոնավարել որպես դատավոր, նախօրեին էլ հրաժարականի դիմում ներկայացրեց Երևան քաղաքի առաջին ատյանի ընդհանուր իրավասության քաղաքացիական դատարանի նախագահ Ավագ Գաբրիելյանը։
Գաբրիելյանը երկար տարիներ է դատական համակարգում, դատավոր է 2009-ից։ Համակարգում խոսում են, որ հնաբնակ Գաբրիելյանի հրաժարականը ոչ պատահական է եղել, ոչ էլ «անմեղ» առիթով։ «Հրապարակ»-ին հասած տեղեկություններով՝ իշխանությունները նրա սեղանին են դրել Կոռուպցիոն բնույթի գործ, որում ինքն էլ է ներգրավված եղել։ Դատական համակարգի մեր աղբյուրն ասում է. Գաբրիելյանին ասել են՝ սուսուփուս դիմումդ գրի, գնա, ինչն էլ նա կատարել է։
Ինչ վերաբերում է Արգիշտի Ղազարյանի հրաժարականին, ապա այստեղ համակարգի «կառավարման» հարցն է եղել պատճառը։ Մեր նույն աղբյուրը փոխանցում է՝ Վարչական դատարանի նախագահ Ղազարյանը չի կարողացել դատավորներին «բռի մեջ» հավաքել, վերջիններս չեն կատարել վերեւից իջեցված հրամանները, չեն ենթարկվել ոչ իրեն, ոչ ԲԴԽ-ին, իսկ վերջինս վարչականի դատավորների վրա ազդեցությունն ապահովում է հենց դատարանի նախագահի միջոցով` իրականացնելով իշխանությունների հրահանգները։
Նրան էլ են առաջարկել՝ ինքնակամ դիմում գրի, ինչին Ղազարյանը համաձայնվել է, սակայն պայման է առաջ քաշել՝ գնում է նախահագի պաշտոնից, սակայն մնում է որպես դատավոր: Այդ պայմանը դատական իշխանությունն ընդունել է։
Մենք կապ հաստատեցինք Ավագ Գաբրիելյանի հետ` նրա հրաժարականի վերաբերյալ մեկնաբանություն ստանալու, նա ասաց, որ պատճառների մասին չի ուզում խոսել․ «Ինչ-որ կա պաշտոնական՝ այդքանը»։ Ինչ վերաբերում է կոռուպցիոն բնույթի գործին առնչվելուն նշեց․ «Ես նման տեղեկության չեմ տիրապետում»։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...