Հայաստանի հավաքականի առաջատար բասկետբոլիստը հեռացվել է թիմից
Գլխավոր մարզիչի եւ մարզչական շտաբի նկատմամբ ոչ պատշաճ վերաբերմունքի պատճառով Ռայան Բոթրայթը հեռացվել է բասկետբոլի Հայաստանի ազգային հավաքականից: Նա կվերադառնա իր ակումբ եւ այլեւս հանդես չի գա Հայաստանի հավաքականի կազմում: Եվրոպայի առաջնության նախընտրական փուլի առաջիկա 2 խաղերում նրան խաղարկողի դիրքում կփոխարինի թիմի ավագ Ամիրան Ամիրխանովը:
Այս մասին լրագրողների հետ հանդիպման ընթացքում ասաց բասկետբոլի Հայաստանի հավաքականի գլխավոր մարզիչ, խորվաթ մասնագետ Նիկշա Բավցեւիչը:
Բասկետբոլի Հայաստանի հավաքականն այս օրերին Երեւանի «Օլիմպավանում» նախապատրաստվում էր Եվրոպայի առաջնության ընտրական նախնական փուլի Ալբանիայի եւ Դանիա հանդիպումներին։ Հայաստանի հավաքականի կազմը վերջնական հստակեցման փուլում է:
Թե ինչու է Հայաստանի հավաքականի առաջատար խաղացողը հեռացվել թիմից, գլխավոր մարզիչը չցանկացավ մանրամասնել, բայց շեշտեց, որ Բոթրայթը թիմ չի վերադառնա:
«Հայաստանի բասկետբոլի ֆեդերացիան վերջին 2 տարիների արածը փոքր հրաշք է: Երկար ժամանակ Հայաստանում չկար բասկետբոլ եւ բասկետբոլի ազգային հավաքական: Առանց լուրջ ներդրումների բասկետբոլի ֆեդերացիան կարողացավ հավաքական ներգրավել խաղացողների ԱՄՆ-ից, Ռուսաստանից, Թուրքիայից: Տարբեր պատճառներով դեռ շատ լավ խաղացողներ չենք կարողանում ներգրավել թիմ: Մենք ցույց տվեցինք, որ կարող ենք ունենալու շատ լուրջ հավաքական: Դրա վառ ապացույցը Շվեդիայի եւ Սլովակիայի դեմ տարած մեր հաղթանակներն էին ու լեփ-լեցուն մարզադահլիճը: Շատ կարեւոր է, որ այստեղ լինեն խաղացողներ, ովքեր ցանկանում են իրենց երկրի համար խաղալ:
Ռայան Բոթրայթը մեր միակ խաղացողն էր, ով արմատներով հայ չէր եւ Հայաստանի հետ կապ չուներ: Նա ցույց տվեց իր խաղամակարդակն այս ամռանը: Բայց նա այժմ այլեւս մեր հավաքականից չէ, քանի որ ֆեդերացիայի եւ մարզչական շտաբի ընդհանուր որոշմամբ Բոթրայթը հեռացվել է ազգային հավաքականից: Խաղացողի պահվածքում կան բաներ, որ մենք՝ մարզիչներս, չենք կարող ընդունել: Ավելին չեմ ցանկանում մանրամասնել: Միայն կասեմ, որ բասկետբոլն անհատական մարզաձեւ չէ, թիմային է, եւ մենք պետք է մտածենք ապագայի մասին: Մենք պետք է պաշտպանենք բասկետբոլի ազգային հավաքականի շահերը եւ չենք կարող թույլ տալ, որ որեւէ մեկը հակառակն անի:
Բոթրայթը շատ կարեւոր խաղացող էր, բայց նա ամենակարեւոր խաղացողը չէր, ամենակարեւորը թիմն է: Մենք կփորձենք նրան փոխարեն լավ խաղացող ունենալ»,- ասաց Նիկշա Բավցեւիչը:
Հայաստանի հավաքականի առաջին հանդիպումը Ալբանիայի հավաքականի հետ է նոյեմբերի 23-ին Տիրանայում։ Թիմը Նիկշա Բավցեւիչի գլխավորությամբ մրցավայր կմեկնի նոյեմբերի 22-ին։
Գարեգին Երկրորդի եղբոր կալանքը 2 ամսով երկարաձգվեց
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Էստոնիան այս տարի պլանավորում է դեսպանություն բացել Երևանում
Կլիմայական փոփոխությունների պատճառով` սպիտակ արջերը ավելի գեր եւ ավելի առողջ են դարձել
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Պուտինը պատասխանել է Մելանյա Թրամփի նամակին