«Մենք գիտենք, որ Թրամփը մեղադրում էր սոցցանցներին ցենզուրայի համար։ Հիմա, երբ նա նորից է գալիս իշխանության, այս հարթակները իրար են խառնվել, խոսքը ոչ միայն Facebook-ի մասին է, օրեր էլ Apple ընկերության տնօրենն էր խոշոր գումար նվիրաբերել Թրամփին, որպեսզի նա ինագուրացիա կազմակերպի»։ Այս մասին այսօր՝ հունվարի 8-ին, NEWS.am–ի հետ զրույցում ասաց մեդիափորձագետ Արթուր Պապյանը՝ անդրադառնալով Meta-ի հիմնադիր Մարկ Ցուկերբերգի հայտարարությանն այն մասին, որ Facebook-ում և Instagram-ում մեծ փոփոխություններ են սպասվում։
«Ամբողջ աշխարհում այդ խոշոր տեխնոլոգիական հսկաները մտածում են, որ Թրամփը անկանխատեսելի է, բացի այդ իր կողքին ունի Իլոն Մասկի նման գործընկեր, և ստիպված փորձում են հաճոյանալ, դուր գալ Թրամփին։ Ցուկերբերգը նշեց, որ փոփոխություններն առայժմ ԱՄՆ–ի տարածքում են իրականացվելու, հետո երևի կորոշի՝ այլ երկրներում ինչ–որ մի բան անու՞մ է, թե ոչ։ Չեմ կարծում, որ փոփոխությունների ազդեցությունը Հայաստանում արագ կտեսնենք, առնվազն մի քանի ամիս կտևի»,–հավելեց մեդիափորձագետը։
Լրագրողի հարցին այն մասին, թե ամիսներ անց, երբ փոփոխությունները Հայաստան հասնեն, ի՞նչ ազդեցություն կարող են ունենալ տեղական լրատվամիջոցների վրա, մեդիափորձագետը պատասխանեց.
«Facebook–ը մեծ թվով ավտոմատ բլոկավորումներ էր անում, Ցուկերբերգն այդ մասին նույնպես խոսեց։ Հայաստանում բազմաթիվ լրատվամիջոցներ, որոնք հիշատակում են օրինակ, Մոնթեի անունը, արգելափակումների տակ են հայտնվում։ Կամ երբ փորձում էին գովազդ ակտիվացնել, անմիջապես խնդիրների էին բախվում։ Նա ասում էր, որ պատրաստվում են նվազեցնել ավտոմատ բլոկավորումների թիվը։ Ցուկերբերգը նաև խոսեց այն մասին, որ հրաժարվելու է փաստերի ստուգման ծառայություններից։ Հայաստանում նման գործունեությամբ զբաղվում է Civilnet.am–ը, որը արգելափակում էր խաբեություն պարունակող նյութերը։ Հիմա այդ բոլոր խաբեություններն ու վնասաբեր ծրագրերը շարունակելու են առանց արգելքի տարածվել Meta–ում»։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է