Իրանը հայտարարել է Թուրքիայի հետ «Զանգեզուրի միջանցքի» շուրջ բանակցությունների մասին

Իրանի ԱԳՆ ներկայացուցիչ Էսմայիլ Բահային մամուլի ասուլիսում անդրադարձել է տարածաշրջանում տրանսպորտային հաղորդակցությունների ապաշրջափակման թեմային.

««Զանգեզուրի միջանցքի» թեման զուտ քաղաքական չէ, դա տեխնիկական խնդիր է, որը շատ հստակ նախադրյալներ ունի երկու երկրների միջև։ Մեր և Թուրքիայի ջանքերն ուղղված են այս խնդրի լուծմանը՝ հաշվի առնելով բարիդրացիական հարաբերությունները, ինչպես նաև այն, որ մեզ համար կարևոր է երկու երկրների միջև բեռնափոխադրումների և տրանսպորտային ուղիների հարցը։ Հավանաբար մոտ ապագայում մեր կողմից պատկան մարմինների ու պատասխանատու կառույցների ներկայացուցիչների կազմով պատվիրակություն կմեկնի Թուրքիա՝ տեղում քննարկելու այս հարցը։ Մենք հույս ունենք, որ այդ հարցն իսկապես շուտով կլուծվի»,- ասել է Իրանի ԱԳՆ ներկայացուցիչը։