Հրապարակվել են «օրենքով գող» Շահումյանցի Ժիրոյի ձերբակալության կադրերը (տեսանյութ)

Հիշեցնենք, որ դեկտեմբերի 2-ին ոստիկանության հատուկջոկատայինները գետնին պառկացնելով բերման են ենթարկել քրեական հեղինակություն «Շահումյանցի Ժիրոյին» և նրան ուղեկցող անձանց։

ՔԿ մամուլի քարտուղար Գոռ Աբրահամյանը, անդրադառնալով «Շահումյանցի Ժիրոյի» և նրան ուղեկցող անձանց ձերբակալմանը, «Փաստինֆո»-ի հետ զրույցում հայտնել է, որ հինգ անձ է ներկայացվել նախաքննական մարմնին։

«Նախաձեռնվել է քրեական վարույթ՝ խմբի կազմում խուլիգանություն կատարելու հատկանիշներով՝ ՀՀ քրեական օրենսգրքի 297-րդ հոդվածի 2-րդ մասի 1-ին կետ։ Վարույթի շրջանակներում կայացվել է նշված հանցավոր արարքն առերևույթ կատարելու հիմնավոր կասկածի հիմքով նրանց ձերբակալելու որոշում։ Այդ անձինք ներկայումս արգելանքի ներքո են»,-հայտնել է Աբրահամյանը։