Վարորդները 15 օրվա փոխարեն` 30 օր են աշխատում այդ բարձր աշխատավարձը ստանալու համար․ Արթուր Չախոյան (տեսանյութ)

«Ոչ ոքի համար գաղտնիք չէր, որ վարորդները գրեթե միշտ 100 դրամները գրպանել են, և դա նրանք չեն թաքցնում, նույնիսկ երեկ բառացի՝ լրատվամիջոցների դիմաց դրա մասին հայտնել են» - Euromedia24.com-ի հետ զրույցում ասաց Չախոյանը և նշեց, որ այդ 100 դրամանոցները նաև փոխանցվել է այլ վերադաս պաշտոնյաների։

Չախոյանը գնահատական տվեց վարորդների վրա համազգեստ վաճառելու հարցին` ասելով, որ նորմալ չէ, երբ համայնքային ծառայություն մատուցող աշխատակցին պետությունը պարտադրում է գնել համազգեստը։ Դա պետք է տրվի պետության կողմից, ինչպես տրվում է զինվորականներին կամ ոստիկաններին։

Վարորդների աշխատավարձի հետ կապված` Չախոյանը նշեց, որ բարձր աշխատավարձ ասվածը մի փոքր մանիպուլացված է, որովհետև եթե վարորդների աշխատաժամերը բաժանենք օրերի քանակի` կստացվի, որ իրենց ասած` 400․000 դրամը վարորդները վաստակում են 30 օրում, 15 օրվա փոխարեն։

«Ավինյանը շանտաժի լեզվով ճնշում է գործադրել վարորդների վրա` փորձելով լռեցնել նրանց» - ասաց Չախոյանը։

Մանրամասները՝ տեսանյութում