Դպրոցի 69-ամյա պահակը սեքսուալ բնույթի գործողություններ է կատարել անչափահասի նկատմամբ
69-ամյա Մ․ Հովհաննիսյանին մեղադրանք է առաջադրվել 12 տարին չլրացած անձի նկատմամբ անառակաբարո արարք կատարելու համար։
Գործը դատարան է ստացվել 2023 թվականի նոյեմբերի 24-ին և մակագրվել դատավոր Վահե Միսակյանին։
Iravaban.net-ը այս մասին տեղեկանում է «Դատալեքս» դատական-տեղեկատվական համակարգից։
Անաչափահաս աղջկա մեջ սեքսուալ բնույթի ցանկություն առաջացնելու նպատակով տղամարդը համբուրել է աղջկա այտերը, շուրթերը և պարանոցը:
Մ․ Հովհաննիսյանը եղել է Երևանի դպրոցներից մեկի պահակը։
2023 թվականի օգոստոսի 9-ին ֆրանսերենի գիտելիքները ստուգելու նպատակով՝ դպրոցում ծանոթացել է կրթական ծրագրի մասնակից, անչափահաս Ա․Ք․-ի հետ, ում կանչել է իր աշխատասեղանի մոտ, նստեցրել իր կողքին՝ ստուգելու իբր վերջինիս ֆրանսերենի գիտելիքները և նրա մոտ սեքսուալ բնույթի ցանկություն առաջացնելու նպատակով մի քանի անգամ համբուրել է այտերը, շրթունքները և պարանոցը։
Այնուհետև, Ա․ Ք․-ն, հասկանալով իր նկատմամբ անբարո գործողությունների բնույթը, ահազանգել է տատիկին, և օգտվելով Մ․ Հովհաննիսյանի՝ աշխատասենյակ գնալու հանգամանքից՝ անմիջապես հեռացել է դպրոցից։
Մեղադրյալը հիմնական դատալսումների ընթացքում ցուցմունք է տվել, որ ինքը 2013 թվականից աշխատում է դպրոցում՝ որպես ցերեկային պահակ։ Տուժողին նախկինում չի հանդիպել։ Դեպքի օրը՝ առավոտյան, վերադարձել է արձակուրդից, պատրաստվում էր երկու 1-ին դասարանցի աշակերտի հետ ֆրանսերեն պարապել։
Նկատել է մի երեխա, նրան հարցրել է, թե նա այս դպրոցում է սովորում, վերջինս պատասխանել է ոչ, հարցրել է ձեր դպրոցում ֆրանսերեն լեզու անցնո՞ւմ են, նա պատասխանել է այո, ինքը հարցրել է, թե նա տիրապետո՞ւմ է ֆրանսերենին, նա ասել է այո և մասնակցում է ֆրանկոֆոնիային նվիրված միջոցառումներին։
Այդ ժամանակ տղամարդը հարցրել է երեխային, թե նա կարո՞ղ է մի քանի նախաադասություն կարդալ, նա չի մերժել, ինքը գիրքը հանել է։ Երեխան կարդացել և թարգմանել է շատ գրագետ, ինքը ոգևորվել է, ասել «շատ ապրես, բալես», նստած տեղից ձգվել է, համբուրել է ճակատը, այդ ժամանակ հարցրել է նրա անունը։ Այնուհետև գնացել է պատուհանները փակելու, վերադարձել է սեղանի մոտ և երեխան իրեն ասել է, որ տատիկը զանգել է և գնում է տուն։
Երբ երեխան դուրս գալուց է եղել, ինքը նրան ասել է, որ մյուս պարապունքին մի քանի բարդ նախադասություն կտա, իսկ նա շնորհակալություն է հայտնել իրեն։
Նախկինում նման դեպքեր չի եղել, ինքը երեկոյան իր բնակարանում մասնավոր պարապում է ֆրանսերեն։
Տղամարդը հայտնել է՝ չի կարող մեկանաբանել, թե ինչու է աղջկա տատիկը եկել պարզաբանումների։ Երբ ինքը գնացել է միջանցքի պատուհանները փակելու, 4-5 րոպե է տևել, գրքերը տարել դրել է ուսուցչանոց, այդ ընթացքում, եթե երեխան վախեցած է եղել, եթե ինքը անշնորհք արարք է կատարել, ինչու նա չի հեռացել։
Տուժողը միայնակ է եղել։ Չի կարող մեկնաբանել, թե ինչու տատիկը մի բան է ասում, տուժողը մեկ այլ բան
Դատաքննության ընթացքում տուժող Ա․ Ք․-ն ցուցմունք է տվել, որ դեպքը տեղի է ունեցել իր պարապունքից հետո, երբ ինքը դուրս է եկել, դպրոցում տեսել է մեղադրյալին, նա ֆրանսերենի գրքից բացել է մի էջ, ասել է կարդա, ինքը կարդացել է, նրա դուրը եկել է և սկսել է իրեն համբուրել, ասել է, որ ինքը շատ լավ է կարդում, երբ նա գնացել է կողքի սենյակ մի երկու րոպեով, ինքը զանգել է տատիկին, երբ այդ մարդը եկել է, տատիկը իրեն հետ է զանգել է և ինքը գնացել է։ Երբ գնացել է տուն, տատիկին պատմել է, որ համբուրել է իր այտերը, շուրթերը և պարանոցը։
Ինքը շատ լարված է եղել, չի հասկացել, թե ինչ է կատարվում։ Հարցրել է, թե որ դասարանում է սովորում, հետո ինքը ասել է, որ տեղափոխվում է 6-րդ դասարան, նա իրեն ասել է, որ մեծ է երևում, հետո անունն է հարցրել, գերազանցիկ լինելը, ֆրանսերեն լեզու սովորելը, հետո ֆրանսերենի գիրքը բացել է և հարցրել, թե կարո՞ղ է կարդալ։ Ինքն այդ ժամանակ վախեցել է, այդ պատճառով չի գնացել, զանգել է տատիկին։
Հարցաքննվել է նաև վկա Ա․ Բադեյանը, ով դատաքննության ընթացքում ցուցմունք է տվել այն մասին, որ տուժողն իր թոռնիկն է։ Դեպքի օրը՝ ժամը 13։00-ին, իր հեռախոսահամարին թոռնուհին հաղորդագրություն է ուղարկել, որ շտապ իրեն զանգահարի, ինքը զանգահարել է։ Թոռնուհին վերադարձել է տուն և պատմել , որ դպրոցի պահակն իր այտը, բերանը, վիզը համբուրել է, ինքը գնացել է դպրոց, սպասել է պահակին, պահակը եկել է, իր բացատրություններն է տվել, ասել է, որ ֆրանսերենի գիրքը տվել է, նա կարդացել է, շատ ուրախացել է և համբուրել է նրան։ Երբ քննիչն իրեն կանչել է, ինքը սխալ ցուցմունք է տվել, ասել է պահակի խոսքերը, հետո երբ հանգստացել է, գիտակցել է, որ սխալ է ասել, երեխան իրեն ուրիշ բաներ է ասել։
«Երեխան շատ անհանգիստ էր, զարմացած էր, թե ինչպես կարող է դպրոցում նման դեպք լիներ։ Ինքը խառը վիճակով եկել է և իրեն բացատրել է, թե դեպքը ինչպես է պատահել։ Ինքն առաջին անգամ նշել է այն ինչ պահակն է ասել։ Ցուցմունքի հաջորդ օրը հասկացել է, որ սխալ ցուցմունք է տվել։
Ժամը 13։00-ին պետք է դասը ավարտվեր, ինքը շատ արագ գալիս է տուն, բայց այդ օրն ուշացել է։ Այդ օրվա նախապես գրված հաղորդագրությունը և ժամը 13։30-ի հաղորդագրությունը կապ չունի մյուս գրածների հետ »,- նշել է վկան։
Վկայի ցուցմունքին կից ներկայացված վերջինիս ուղարկված կարճ հաղորդագրության թղթային լուսապատճենը, որի զննությամբ պարզվել է, որ Ա․ Բադեյանը ժամը 14:40-ի կարճ հաղորդագրություն է ստացել «Zangi, Arag» գրառումներով։
Դատահոգեբանի եզրակացության համաձայն՝ 12-ամյա աղջկան բնորոշ չեն այնպիսի հոգեբանական առանձնահատկություններ, որոնք կարող են նպաստել ոչ արժանահավատ տեղեկություններ հաղորդելուն:
Դատահոգեբանական և սեքսոպաթոլոգիական համալիր փորձաքննության է ենթարկվել նաև մեղադրյալը, որի եզրակացության համաձայն 69-ամյա Մ․ Հովհաննիսյանի մոտ սեռական խանգարումներ առկա չեն։ Երեխաների նկատմամբ սեքսուալ բնույթի հակումներ չունի:
Դատարանը որոշել է մեղադրյալ Մ․ Հովհաննիսյանին մեղավոր ճանաչել ՀՀ քրեական օրենսգրքով նախատեսված արարքի կատարման մեջ, և նրա նկատմամբ պատիժ նշանակել ազատազրկում՝ 3 տարի ժամկետով և որպես գրավ վճարված 1․000․000 ՀՀ դրամը վերադարձնել դրա իրավատիրոջը՝ դատավճիռն օրինական ուժի մեջ մտնելուց հետո։
Մեղադրյալ Մ․Հովհաննիսյանից հօգուտ պետական բյուջե բռնագանձել փորձաքննությունների համար նախատեսված գումարները՝ 150․000 դրամը՝ որպես դատական ծախս:
Որոշումը բողոքարկվել է Վերաքննիչ քրեական դատարան, որտեղ դատական նիստերը շարունակվում են։ Վերջին դատական նիստը կայացել է 2024 թվականի նոյեմբերի 6-ին, հաջորդ դատական նիստի օրը հայտնի չէ։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Լուկաշենկոն խոսել է նախագահի պաշտոնից հեռանալու մասին
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...