Կառավարական առանձնատներից՝ ՍԱՏՄ. ուշագրավ կադրային նշանակում
NEWS.am-ի տեղեկություններով՝ օրեր առաջ վարչապետ Նիկոլ Փաշինյանի որոշմամբ Կառավարությանն առնթեր սննդամթերքի անվտանգության տեսչական մարմնի ղեկավարի տեղակալ նշանակված Տիգրան Պետրոսյանը Փաշինյանի մերձավոր շրջապատից է:
Նախքան այս պաշտոնին նշանակվելը Պետրոսյանը հանդիսացել է ՀՀ վարչապետի աշխատակազմին ամրացված շենքերի և այլ գույքի սպասարկումն իրականացնող «Սպասարկում» ՊՈԱԿ-ի տնօրենը: Իսկ 2020 - 2021թթ. եղել է ՀՀ վարչապետի աշխատակազմի «Կոնդի առանձնատների տնտեսություն» ՊՈԱԿ-ի (ներկայում՝ «Կառավարական առանձնատների տնտեսություն») տնօրենի տեղակալը:
Մասնագիտությամբ տնտեսագետ և աշխարհագրագետ Տիգրան Պետրոսյանն իր կարիերան սկսել է Ազգային անվտանգության ծառայությունից, իսկ նախքան կառավարական ամառանոցները ղեկավարելը, հանիդիսացել է միջազգային բեռնափոխադրումներով զբաղվող «Էյր լոգիստիկ կարգո» ՍՊԸ-ի տնօրենը:
ՍԱՏՄ մեր աղբյուրի խոսքով՝ Տեսչական մարմնում տարակուսած են, թե ինչպես պետք է կառավարական ամառանոցներից «եկածը» համակարգի տասնյակից ավելի պատասխանատու ոլորտներ, իրականացնի սահմանային պետական վերահսկողության բաժինների աշխատանքների համակարգումը և կազմակերպումը, սննդամթերքի, սննդամթերքի հետ անմիջական շփման մեջ գտնվող նյութերի, անասնաբուժական և բուսասանիտարական ենթահսկման ապրանքների ներմուծման, արտահանման, տարանցիկ փոխադրման կառավարումը, մարզային կենտրոնների, բյուջետային գործընթացի պատասխանատուների վերահսկումը և այլ առանցքային գործառույթներ:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Դրամն արժևորվում է՝ գները դրամով թանկանում․ ինչո՞ւ
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...