ԶԼՄ-ների մասին օրենքով չսահմանափակել խոսքի ազատությունը
ԱՄՆ Պետդեպարտամենտը հայտարարում է, որ ուսումնասիրում է արտասահմանյան լրատվամիջոցների մասին ռուսական օրենսդրությունը՝ Մոսկվային հորդորելով չկիրառել այն որպես խոսքի ազատությունը սահմանափակող գործիք:
Ամերիկյան դիվանագիտական գերատեսչության ներկայացուցիչ Մարիա Օլսոնը երեկ ասել է, որ Վաշինգտոնը ուշադրությամբ հետևում է, թե ինչպես է այդ որոշումը հավանության արժանանում և ինչպես է այն իրագործվելու:
Պետդուման, հիշեցնենք, Ռուսաստանում գործող օտարերկրյա լրատվամիջոցների մասին հատուկ օրինագիծ է ընդունել՝ ի պատասխան Միացյալ Նահանգներում Russia Today հեռուստակայանը որպես օտարերկրյա գործակալ գրանցելու Վաշինգտոնի պահանջի:
Օլսոնը նշել է, որ ամերիկյան օրենքը ընդամենը նպատակ ունի ի հայտ բերել արտասահմանից ֆինանսավորվող կազմակերպություններին, որոնք փորձում են ազդել ԱՄՆ-ի քաղաքական գործընթացների վրա, և այն որևէ կերպ չի սահմանափակում նրանց խոսքն ու գործունեությունը:
Իրավապաշտպանները քննադատել են ինչպես Ռուսաստանում ընդունված օրենքը, այնպես էլ ԱՄՆ-ի պահանջները: Ռուսաստանի արդարադատության նախարարությունը իր կայքում հրապարակել է լրատվամիջոցների ցանկ, որոնց վրա կարող է անդրադառնալ նոր օրենքը: Սահմանափակումները, որոնք ռուսաստանյան գերատեսչությունը չի մանրամասնում, կարող են տարածվել նաև «Ազատ Եվրոպա/Ազատություն» ռադիոկայանի և «Ամերիկայի Ձայն»-ի հետ առնչություն ունեցող 9 լրատվամիջոցի վրա:


















































ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ