Արմավիրում մի քանի մանկապարտեզներ կփակվե՞ն
«Փաստ» օրաթերթը գրում է.
Արմավիրի մարզի Արմավիր քաղաքի մանկապարտեզներից մի քանիսը կարող են փակվել: Այն մանկապարտեզները, որոնք ունեն քիչ թվով սաներ եւ անմխիթար շենքային պայմաններ, դրանց գործունեությունը կկասեցվի:
Համայնքն առաջարկը կառավարությունից է ստացել: Հարցը, սակայն դեռ չի քննարկվել Արմավիրում: «Փաստ» օրաթերթի թղթակցի հետ զրույցում տեղեկացրեց քաղաքապետարանի տեղեկատվության եւ հասարակայնության հետ կապերի վարչության պետ Վարդուհի Երանոսյանը:
«Դրա հետ կապված որոշում, կարգադրություն իջեցված չէ, քննարկում չի եղել: Ավագանու նիստ կլինի եւ հարցը կքննարկվի: Պետք է ուսումնասիրել շենքային պայմանները, սաների թիվը, մանկապարտեզների իրարից հեռավորությունը եւ այլն: Արտագաղթով պայմանավորված երեխաների թիվը քիչ է, կան մանկապարտեզներ, որոնք տարիներով չեն վերանորոգվել»,– փոխանցեց նա:
Արմավիրում թվով 13 մանկապարտեզ է գործում: Քաղաքապետարանից հավաստիացրեցին, որ մանկապարտեզներն անմիջապես քաղաքապետի ուշադրության կենտրոնում են: Երեխաներին բարեկեցիկ կյանքով ապահովելու ուղղությամբ էլ այստեղ բազմաթիվ աշխատանքներ են կատարվել:
Մանկապարտեզներում կրճատումներ անելու առաջարկն արդեն Արարատի մարզի Արարատ քաղաքում մերժել են:
Քաղաքապետարանի աշխատակազմի քարտուղար Կարեն Մելքոնյանը պատմեց, որ իրենց առաջարկել են միմյանց մոտ գտնվող մանկապարտեզներից մեկի տնօրենին, հաշվապահին ու գործավարին կրճատել:
«Մի տնօրենը պետք է 2 մանկապարտեզի «յոլա» տաներ: Ասել են, եթե պայմանները բավարարում է, նոր միայն կարող եք առաջարկն ընդունել, մեր պայմանները չեն բավարարում»,– ասաց նա:
Այստեղ 3 մանկապարտեզ է գործում, որից մեկը՝ մասնավոր:
«Մեր մանկապարտեզները իրարից շատ հեռու են գտնվում: Մենք ունենք մեզանից կտրված նաեւ Բանավան թաղամասի մանկապարտեզը, որը միավորել բացարձակ հնարավոր չէ»,– նշեց Մելքոնյանը:
Մանրամասները՝ թերթի այսօրվա համարում


















































ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ