«Պատերազմի ընթացքում հերոսաբար զոհված Ռաֆիկ Հակոբյանի մայրը՝ Լալա Բախտիկյանը, «Էրեբունի» ԲԿ ծննդատան բարձր ռիսկի բաժանմունքի ղեկավար Էդիտա Ղարիբյանի երկարատև բուժումների արդյունքում հղիացել և երեխա է ունեցել:
Հղիությունը մինչև 34 շաբաթականն առանց լուրջ խնդիրների է անցել. կնոջ վիճակը կտրուկ վատացել է, բարձրացել է զարկերակային ճնշումը, հղին գանգատվել է մարմնի ցավից և թուլությունից: Կատարված հետազոտություններն անսպասելիորեն արյունաբանական լուրջ հիվանդության՝ սուր լիմֆոբլաստային լեյկոզի կասկած են առաջացրել:
Անմիջապես ծննդատան տնօրեն Անդրանիկ Պողոսյանը՝ Բարձր ռիսկի հղիների բաժանմունքի ղեկավար Էդիտա Ղարիբյանի, մանկաբարձ-գինեկոլոգ Իննա Բաղդասարյանի հետ՝ Անզգայացման և ինտենսիվ թերապիայի բաժանմունքի ղեկավար Լուսինե Դանիելյանի մասնակցությամբ կյանքի ցուցումով կեսարյան հատում է կատարել։
Լալա Բախտիկյանն անմիջապես տեղափոխվել է Արյունաբանական կենտրոն, որտեղ ոսկրածուծի փոխպատվաստում է կատարվել, ի դեպ՝ Հայաստանում առաջին անգամ՝ մեծահասակի: Ծնողները փոքրիկին իրենց կորցրած որդու անունով են կոչել՝ Ռաֆիկ՝ վստահ, որ նա կրկին ապրելու ուժ է տալու իրենց»,- նշված է հաղորդագրությունում:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
ԲՀԿ-ն դիմել է ՍԴ՝ վիճարկելու ընտրությունների արդյունքները