Դավաճանության մասին խոսելիս` ինքներդ ձեզ նայեք ու ձեր շրջապատին. Օսիպյանը՝ Վլադիմիր Գասպարյանին

Irakanum.am-ի հետ զրույցում Վլադիմիր Գասպարյանի հայտարարությունները Վալերի Օսիպյանը տղամարդուն ոչ վայել բամբասանք է որակել։

«Ես այսքան ժամանակ լռել եմ, բայց իմ պաշտոնավարման ժամանակ անընդհատ խանգարել եք, ձեր ընկերներին էլ ասելով, թե իբր շուտով հետ եք վերադառնալու համակարգ»,– ասել է Օսիպյանը։

Անդրադառնալով ««Սասնա ծռերից» սկսած Օսիպյանը դավաճանել է» խոսքին` նա խորհուրդ տվեց Վլադիմիր Գասպարյանին թարմացնել հիշողությունը` դիմելով ԱԱԾ–ին։

«Պարոն Գասպարյան, երևի մոռացել եք, որ 2018 թվականին ասում էի` մի բան ձեռնարկենք, ինքներդ էիք ասում` հանգիստ եղեք, այսպես ասած` ամեն ինչ կոնտրոլի տակ է, իսկ սա դավաճանություն չէ՞։ Այսքանը կասեմ ու կշարունակեմ լռել, որ պարոն Գասպարյան, դուք հանգիստ քնեք»։