Միայն փետրվարին Թուրքիայում տղամարդկանց կողմից սպանվել է 36 կին. Զեկույց

Թուրքիայում փետրվարին ընդհանուր առմամբ տղամարդկանց կողմից սպանվել է 36 կին, որոնցից 17-ը՝ կասկածելի հանգամանքներում: Այս մասին ասվում է «Մենք կդադարեցնենք ֆեմիցիդները» հարթակի զեկույցում։

10 կին սպանվել է օրինական ամուսինների կողմից, յոթն այն տղամարդկանց կողմից, որոնց հետ հարաբերությունների մեջ են եղել, ևս յոթն այն տղամարդկանց կողմից, որոնց հետ նախկինում կապ են ունեցել և յոթն էլ բարեկամների, այդ թվում՝ երեքը որդիների և չորսը հայրերի կողմից: Այս սպանություններից 12-ի շարժառիթն անհայտ է մնում, իսկ 17 կին սպանվել է նրանց հետ բաժանվելու ցանկությունից ելնելով:

25 կին սպանվել է ատրճանակներով, ինը` դանակով, երկուսը՝ խեղդելու միջոցով:

«Մենք կդադարեցնենք ֆեմիցիդները» հարթակի տվյալներով՝ 2023 թվականին Թուրքիայում տղամարդկանց կողմից սպանվել է մոտ 315 կին, իսկ նույն ժամանակահատվածում կասկածելի հանգամանքներում մահացած 248 կին է հայտնաբերվել։