Սպանության կասկածանքով Մոսկվայում ձերբակալվել են ոստիկանության փոխգնդապետներ Կարագյոզյանն ու Կարասևը

Մարտի 6-ին Մոսկվայի Բասմանի շրջանային դատարանը ձերբակալել է Սիբիրի անվտանգության երկու բարձրաստիճան պաշտոնյայի: Ոստիկանության փոխգնդապետ Ալեքսանդր Կարասևը և Ռաֆայել Կարագյոզյանը կասկածվում են սպանություն կատարելու մեջ (Ռուսաստանի Դաշնության Քրեական օրենսգրքի 105-րդ հոդվածի 1-ին մաս): Այս մասին տեղեկատվությունն առկա է ընդհանուր իրավասության դատարանների տվյալների բազայում: Այս մասին հայտնում է դատարանի մամուլի ծառայությունը։

Տարբեր տարիներին Կարասևը և Կարագյոզյանը ղեկավարել են Օմսկի մարզի ՆԳՆ տնտեսական հանցագործությունների դեմ պայքարի բաժինը. Կարագյոզյանն այս պաշտոնում փոխարինել է Կարասևին, ով տեղափոխվել է Մոսկվա։

Հետագայում Կարագյոզյանը զբաղեցրել է նաեւ Տոմսկի ոստիկանական բաժանմունքներից մեկի պետի պաշտոնը, ծառայել է ՆԳՆ ակադեմիայում։

Կատարվածի մանրամասները դեռ ճշտվում են, սակայն, ինչպես գրում է «МК»-ն, բարձրաստիճան ոստիկանները կարող էին սպանությունը կատարել Օմսկի մարզի ներքին գործերի վարչությունում աշխատելու ժամանակ։ Գործը վարում է ՌԴ Քննչական կոմիտեի կենտրոնական գրասենյակը։