Թուրքիայում ոսկու հանքում հսկայական սողանք է տեղի ունեցել

Փլուզումը տեղի է ունեցել Թուրքիայի Էրզինջան նահանգի ոսկու հանքահորում։ Սողանքն ընդգրկել է հսկայական տարածք՝ ավերելով հանքերի ելքերը։

Հնարավոր տուժածների մասին տվյալներ առայժմ չկան, տեղական իշխանությունների տեղեկություններով՝ հանքում կարող են բանվորներ լինել, հաղորդում է NTV հեռուստաընկերությունը:

Թուրքիայի արտակարգ իրավիճակների դեպարտամենտի տվյալներով՝ միջադեպը տեղի է ունեցել տեղական ժամանակով ժամը 14 ։ 00-ի սահմաններում։ Որոնողափրկարարական աշխատանքների իրականացման համար ներգրավվել են ստորաբաժանումներ հարևան նահանգներից։

Հանքավայրը գտնվում է Իլիչ շրջանում և սկսել է գործել 2010 թվականին։ Այն կառավարող ընկերությունը 2022 թվականին տուգանվել է ցիանիդի կիրառմամբ ոսկու արդյունահանման համար, նշում է NTV-ն։