Ես պատվավոր չեկիստ եմ, ունեմ կենսագրություն. Վլադիմիր Գասպարյան

Ես ունեմ կենսագրություն, ես պատվավոր դատախազ եմ, պատվավոր չեկիստ եմ, պատվավոր Քննչական կոմիտեի աշխատակից եմ, իմ կենսագրությունն անցել է երեք տեղ:

Այս մասին այսօր՝ Հակակոռուպցիոն քրեական դատարանում ցուցմունք տալու ժամանակ, ասել է ՀՀ նախկին ոստիկանապետ, այժմ քրեական վարույթով անցնող Վլադիմիր Գասպարյանը՝ հավելելով, թե այդ համակարգերն իրեն շատ հարազատ են, ինքը նույնիսկ գնահատականներ է տվել այդ համակարգերին, քննել աղմկահարույց սպանություններ:

Հարցին,թե ինչ հարաբերություններ է ունեցել ՀՀ նախկին նախագահ Սերժ Սարգսանի հետ, Վլադիմիր Գասպարյանը հայտնեց, որ բացի Սարգսյանից, ինքն աշխատել է Սեյրան Օհանյանի և այլոց հետ և բոլորի հետ եղել է աշխատանքային, ծառայողական, սպայական ու մարդկային հարաբերությունների մեջ, ոմանց հետ էլ եղել է մարտական ընկերոջ հարաբերությունների մեջ։